_99.jpg)
Xəbər lenti
“May ayına qədər Əsgəran və Xocalı Azərbaycanın nəzarətinə keçməlidir”
“Erməni silahlılarının Qarabağ bölgəsindən təmizlənməsi istiqamətində antiterror əməliyatına ehtiyac var. Bilirəm ki, may ayına qədər Əsgəran və Xocalı Azərbaycan Ordusunun nəzarətinə keçməlidir. İmzalanan sazişdən keçən 4 ayın nəticəsi göstərir ki, Azərbaycan yeni hərbi əməliyyata hazırdır”.
Manevr.az xəbər verir ki, bu sözləri sfera.az-a açıqlamasında İkinci Qarabağ müharibəsinin bölgəmiz üçün yaratdığı yeni reallıq və əməkdaşlıq perspektivlərindən danışarkən politoloq Cümşüd Nuriyev deyib.
“Danılmaz faktdır ki, 44 günlük müharibə Azərbaycanı Qafqazın lider dövlətinə çevirib. Azərbaycan xalqının özünə inamı, döyüş ruhu yüksəldi. Təsadüfi deyil ki, ordumuzun Qarabağ müharibəsində tətbiq etdiyi texnologiya birmənalı şəkildə dünyada qəbul olumağa başlayıb”.
C. Nuriyevin fikrincə, müharibənin nəticəsi olaraq Azərbaycan dünyada yeni siyasi və iqtisadi divident qazanıb: “Bu da 11 yanvarda imzalanan üçtərəfli sazişdə özünü göstərib. Zəngəzur dəhlizin açılması ölkəmiz üçün yeni nəqliyyat damarı və dövlət büdcəsinin gəlir hissəsini formalaşdıracaq uğurlu bir layihədir. Azərbaycan Naxçıvanla qovuşur və Türkiyə ilə birbaşa əlaqələr yarada bilir. Kimsə buna maneə ola bilməyəcək. Çünki Rusiya, Türkiyə, İran və Gürcüstan da bu layihənin gerçəkləşməsində maraqlıdır”.
Politoloq hesab edir ki, qələbə eyni zamanda Azərbaycan üçün yeni iqtisadi imkanlar deməkdir: “Ölkəmizə yeni investisiyaların cəlb olunmasına şahidlik edəcəyik. Bu yöndə 10-a yaxın dövlətlə danışıqlar gedir. Türkiyə, İsrail və İngiltərə də həmin danışıqların iştirakçılarıdır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar