_99.jpg)
Xəbər lenti
Ermənistan işğal altındakı Azərbaycan torpaqların kadastrını da MƏRKƏZLƏŞDİRMƏYƏ BAŞLADI...
Ermənistan Kadastr komitəsinin rəisi:”...“Artsax”la birgə fəaliyyətimiz üçün heç bir maneə yoxdur...”
Bu gün işğalçı ölkənin Sarhad Petrosyan adlı daha bir yüksək vəzifəli məmuru Azərbaycanın sərhədini pozub.
Bu məmur Ermənistan Kadastr komitəsinin sədri vəzifəsini daşıyır.
Xankəndində qondarma rejimin oyuncaq başçısı Bako Saakyanla görüşən S.Petrosyan “iki erməni dövləti” arasında daşınmaz əmlakın, yəni torpaqların, evlərin, yaşayış, inzibati, ictimai binaların qeydiyyata alınması sahəsində əməkdaşlıqdan bəhs edib. Görüşdə separatçı rejimin “iqtisadiyyat və istehsal strukturları naziri” hesab olunan Levon Qriqoryan adlı məxluq da iştirak edib.
Erməni jurnalsitlərə açıqlamasında S.Petrosyan bildirib ki, separatçı liderlə söhbət zamanı biz birgə fəaliyyət yolları müzakirə edilib. “Bizim iki idarənin işlərini əlaqələndirməyimiz lazımdır. Görüş zamanı birgə tədbirlərin həyata keçirilməsi yollarını müzakirə etdik və bunun üçün heç bir maneə yoxdur. Düşünürəm ki, yaxın gələcəkdə Ermənistan və “Artsax”ın kadastr sektorunda dəyişikliklər ediləcəkdir”.
P.S. Görünən odur ki, rəsmi İrəvan tədricən işğal altındakı Azərbaycan torpaqlarındakı bütün qanunsuz qurumları və idarəetməni öz əlində cəmləşdirmək, mərkələşdirmək, hər bir əmlakın, hər qəpik gəlirin uçotunu aparmaq və tədriclə həmin torpaqları tam şəkildə özünə birləşdirmək yolunu tutub. Bu günlərdə Ermənistanın Dövlət gəlirləri komitəsinin rəhbəri də Xankəndinə vergi və gömrük sistemindəki “əlaqələrin möhkəmləndirilməsi” məqsədi ilə gəlmiş və Qarabağdakı hər bir ticarət obyektinin tezliklə son nəsil kassa aparatları ilə təmin olunmasının vacibliyini vurğulamışdı... Bu gün də artıq söhbət işğal altındakı torpaqlarımızın, ermənilərin zəbt etdiyi qismən salamat qalmış evlərimizin və s. kadastr uçotundan gedir...
Xatırladaq ki, 25 ildən çoxdur ki, Azərbaycan hökumətinin digər qurumları kimi daşınmaz əmlakın, torpaqların kadastrına cavabdeh olan qurum da torpaqlarımızın 20 faizindən çoxuna nəzarət etmək imkanından məhrumdur... moderator.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar