.png)
Xəbər lenti
Laçın yolunda durum dəyişir: “Bundan sonra Qarabağa gələn ermənilər...”
Manevr.az xəbər verir ki, bunu jurnalist Asəf Quliyev deyib.
Jurnalist bölgədəki son gəlişmələrə diqqət çəkib:
“Ötən günlərdə azərbaycanlı həkim briqadasının Xankəndi şəhərinə girişi sözsüz ki, günün hadisəsi idi. Bu hadisənin müxtəlif yozumları oldu və bunların hamısında müəyyən həqiqət payı var: inteqrasiya, ermənilərin yumuşalması, Azərbaycan humanizminin təqdim olunması və sairə. Amma diqqətdən yayınan bir məqam var ki, onu mütləq qeyd etmək lazımdır.
Verilən məlumatlarda bildirilirdi ki, Ermənistandan Qarabağa gələn mülki vətəndaşlar olub. Sözsüz ki, bu mülki vətəndaşlar xüsusi yoxlamadan keçiriliblər. Verilən məlumatlarda o da bildirilirdi ki, mülki vətəndaşların keçidi üçün əvvəlcədən razılaşma və ya Azərbaycan tərəfinə xəbərdarlıq olunmayıb. Deməli, Azərbaycan tərəfi Laçın yolu ilə keçən şəxslərlə bağlı xəbərdar olunmalı və ya bu keçid razılaşdırılmalıdır.
Həmişə mülki şəxslərin və humanitar yüklərin keçidinə heç bir maneə olmadığını söyləyən rəsmi Bakının bu tələbi bir qədər anlaşılmazlıq yarada bilərdi. Yəni məntiqlə mülki şəxslər, silah-sursat və ya heç bir qadağan olunmuş başqa yüklərsiz rahat keçməli idi. Amma verilən məlumatdakı “əvvəlcədən razılaşdırılmamaq” məsələsi sual yaradır. Demək, nəsə yeni bir reallıq ortaya çıxıb.
Bəli, doğurdan da yeni reallıq ortaya çıxıb. Həm Azərbaycanın hökumət strukturlarından, həm də erməni mənbələrində əldə olunan məlumata görə, rəsmi Bakı şərtləri sərtləşdirmək qərarına gəlib.
Yaranmış durumda rəsmi Bakının tələbi ondan ibarətdir ki, Laçın dəhlizi ilə Qarabağa gəlmək istəyən Qarabağ sakini olan ermənilər Azərbaycan vətəndaşlığını qəbul etməlidir. Əks təqdirdə onların Qarabağa girişində müəyyən əngəllər ola bilər”.
Asəf Quliyev qeyd edib ki, hələlik Azərbaycanın bu tələbi hansı rıçaqlarla təmin edəcəyi barədə məlumatlar yoxdur:
“Amma bu rəsmi Bakının bu tələbi gündəmdədir və görünən odur ki, geriyə dönüşü olmayan tələbdir. Ehtimal etmək olar ki, Kreml Rusiya hərbi kontingentinin 2025-ci ildən sonra da burada qalmasını təmin etmək üçün rəsmi Bakının bu tələbin icrasına yardımçı olacaq”.teleqraf.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar