İsmayıllı Rayon İcra Hakimiyyəti (RİH) region jurnalı təsis edib.
Manevr.az iqtisadiyyat.az-a istinadla xəbər verir ki, RİH bununla bağlı İskəndərzadə Boisson Cəmilə Fuad qızı ilə müqavilə bağlayıb.
Müqavilədə İsmayıllı regionu jurnalının yaradılması, çapı və alınması nəzərdə tutulur. Müqaviləyə əsasən, jurnalın yaradılmasına 45 450 manat vəsait sərf olunub. 
Jurnalda region tarixçiləri ilə görüşlər və müsahibələr hazırlanacaq, turizm mütəxəssisləri ilə məsləhətləşmələr və turist üzrə ekspertlərlə əməkdaşlıqlar ediləcək. Regionun turist potensialının öyrənilməsi, regionun görməli yerlərinin məlumat bazasının yaradılması, turistlər üçün əlaqə məlumatlarının toplanması (mehmanxanalar, restoranlar, bələdçilər) və s. həyata keçiriləcək.