Xəbər lenti
İctimai fəal məhkəmə zalında həbs olundu
Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli və ictimai fəal Anar Abdullayevin cinayət işi üzrə növbəti məhkəmə prosesi keçirilib.
Manevr.az xəbər verir ki, Bakı Ağır Cinayətlər Məhkəməsində hakim Aygün Qurbanovanın sədrliyi ilə keçirilən prosesdə dövlət ittihamçısı vəsatət qaldırıb.
Prokuror Anar Abdullayevin polisin nəzarətinə vermə qətimkan tədbirinin dəyişdirilməsini istəyib.
Vəsatətdə təqsirləndirilən şəxsin seçilmiş qətimkan tədbirinin qaydalarına əməl etmədiyi əsas gətirilib. Eyni zamanda onun məhkəmə zalında həbs edilməsini tələb olunub.
Məhkəmə dövlət ittihamçısının vəsatətini təmin edib və Anar Abdullayev məhkəmə zalında həbs edilib.
Daha sonra dövlət ittihamçısı ittiham aktını elan edib. Hər iki təqsirləndirilən şəxs ittiham üzrə özlərini təqsirli bilməyib.
Məhkəmənin növbəti iclası 22 sentyabr tarixinə təyin edilib.
Qeyd edək ki, Anar Məmmədli ötən ilin aprel ayında saxlanılıb və məhkəmənin qərarı ilə barəsində həbs qətimkan tədbiri seçilib. Anar Abdullayev isə aprelin 8-də iş üzrə təqsirli bilinib və barəsində məhkəməyədək polisin nəzarətinə vermə qətimkan tədbiri seçilib.
Onlara qarşı Cinayət Məcəlləsinin 192.3.2, 193-1.3.1, 193-1.3.2, 206.4, 213.2.1, 320.1 və 320.2-ci maddələri ilə ittiham irəli sürülüb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar