_99.jpg)
Xəbər lenti
Nəticədə Azərbaycan Qarabağı qaytaracaq - sabiq erməni nazir
Ermənistan hərbi birləşmələrinin təxribat hücumundan sonra Dağlıq Qarabağda yaranmış hərbi gərginlik erməniləri ciddi şəkildə qorxuya salıb.
Manevr.az publika.az-a istinadən xəbər verir ki, Ermənistan ictimaiyyəti ikinci Aprel şokunu yaşamaq istəmir və buna görə də Sərkisyan hakimiyyətini ittiham edir.
Erməni siyasətçilər isə baş verənlərin Ermənistanın xeyrinə olmadığı düşüncəsindədirlər. Xüsusilə, onlar Qarabağda üçüncü müharibənin başlaya biləcəyi və bunun Ermənistana təsirlərindən narahatdırlar.
Ermənistanın keçmiş müdafiə naziri Vaqarşak Arutyunyan bildirib ki, ermənilər müharibə vəziyyətində olduqlarını dərk etməlidirlər: “Biz müharibəyə hazırlaşmalıyıq, əks təqdirdə itkilərimiz və ümumiyyətlə, ölkə olaraq itirdiklərimiz böyük olacaq”.
V.Arutyunyan Azərbaycanın Ermənistana blokada siyasətinə diqqət çəkib və bunun pis nəticələri haqda xəbərdarlıq edib:
“Rəsmi Bakının blokada siyasəti Ermənistanın gələcəyi üçün yaxşı deyil. Çünki bu siyasətə görə iqtisadiyyat pis durumdadır və nəticə olaraq, ermənilər Qarabağı, eləcə də Ermənistanı tərk edirlər. Hətta Azərbaycan Prezidenti İlham Əliyev bildirib ki, onlar Qarabağa, Zəngəzura, İrəvana sülh yolu ilə qayıdacaqlar. Bu, məhz ondan xəbər verir ki, ermənilər ölkəni tərk edir, nəticədə, Azərbaycan Qarabağı da, digər əraziləri də müharibə olmadan qaytarır”.
Erməni politoloq Stepan Qriqoryan Qarabağda üçüncü müharibənin başlayacağını bildirib.
Onun fikrincə, Qarabağ münaqişəsi “dondurulmayıb”:
“Cəbhədə baş verənlər münaqişənin “dondurulmadığını” göstərir və nəticədə, beynəlxalq cəmiyyət razılaşdı ki, status-kvo yolverilməzdir, münaqişə həll edilməlidir. Burada erməni diplomatiyasının məğlubiyyətini açıq-aydın görürük. Diplomatiya hadisələrə adekvat reaksiya verə bilmir”.
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar