.png)
Xəbər lenti
"Fransa nə zaman Qarabağ problemi ilə bağlı ədalətli mövqe tutub ki..."
"Bir turist təşkilatına çevrilmiş ATƏT-in Minsk Qrupunun həmsədrlərindən ciddi heç bir şey gözləməyə dəyməz"
Manevr.az xəbər veriri ki, bu sözləri millət vəkili Qənirə Paşayeva Fransa prezidenti F. Ollandın Qarabağ münaqişəsinin həlli bağlı açıqladığı fikirlərə münasibət bildirərkən deyib.
Deputat bildirib: "Fransa prezidenti Ollandın Fransada yaşayan erməni diasporu ilə bağlı söylədiklərini geniş müzakirəyə çıxaran dostlar, Fransa nə zaman Qarabağ problemi ilə bağlı ədalətli mövqe tutub ki, indi də Ollanddan ədalətli mövqe gözləyək.
Fransa hər zaman Ermənistanı müdafiə edib. Bu ölkə BMT Təhlükəsizlik Şurasının üzvüdür amma bu günə qədər Ermənistana bu təşkilatın qəbul etdiiyi 4 qətnamənin yerinə yetirilməsi istiqamətində heç bir təsir və təzyiq etməyib. 1 milyon azərbaycanlı köçkün 20 ildən artıqdır ki öz evinə dönə bilmir və onların fundamental insan haqları işğalçı Ermənistan tərəfindən pozulmaqda davam edir, Ermənistan hələ də işğalı davam etdirir, amma Qarabağ probleminin həlli istiqamətində yaradılmış ATƏT-in Minsk Qrupunun 3 həmsədrindən biri kimi bu günə qədər rəsmi İrəvana azərbaycanlı köçkünlərin öz evinə qayıda bilməsi istiqamətində heç bir təzyiq göstərməyib.
Fransa və Olland hər zaman qondarma erməni soyqırımı yalanlarını dəstəkləyib, amma Xocalı Soyqırımı barədə danışmaq belə istəmirlər. Fransa da digər həmsədrlər də heç zaman ədaləti dəstəkləməyəcəklər. Ona görə də dövlət və millət olaraq gücümüzü, birliyimizi daha da gücləndirərək torpaqlarımızı biz özümüz işğaldan azad etməliyik və inşallah azad edəcəyik və Ollandların fikri də bizim üçün önəmli deyil və olmamalıdır.
Cənab Prezident, Ali Baş Komandan bunu çox açıq və birmənalı şəkildə ifadə edib. Azərbaycan torpaqlarında ikinci erməni dovlətinin yaranmasına heç bir zaman imkan verməyəcək və biz torpaqlarımızı işğaldan azad edəcəyik.Və hamımız bu amal üçün çalışmalıyıq. Bir turist təşkilatına çevrilmiş ATƏT-in Minsk Qrupunun həmsədrlərindən ciddi heç bir şey gözləməyə dəyməz".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar