Xəbər lenti
Rafiq Yusifoğlunun "Biblioqrafiya" kitabının və Elektron Məlumat bazasının təqdimatı keçirilib -FOTOLAR
F.Köçərli adına respublika uşaq kitabxanasında görkəmli şair, ədəbiyyatşünas, Azərbaycan Respublikasının Əməkdar mədəniyyət işçisi, filologiya elmləri doktoru, professor Rafiq Yusifoğlunun həyat və yaradıcılığına həsr olunmuş 520 səhifəlik “Biblioqrafiya” kitabının və Elektron Məlumat bazasının təqdimat mərasimi keçirilib.Manevr.az xəbər verir ki, kitabxananın direktoru, Əməkdar Mədəniyyət işçisi Şəhla Qənbərova biblioqrafiya haqqında məlumat vermiş, Nazilə Tahirova, Tünzalə Əzizova və Lela Qafarovanın hazırladıqları bu kitabın məziyyətlərindən danışmış, əsərə AMEA-nın prezidenti, akademik İsa Həbibbəylinin ön söz yazdığını xüsusi vurğulanmışdır.
Elektron Məlumat Bazasının təqdimatından sonra millət vəkilləri, filologiya elmlər doktorları Jalə Əliyeva və Elnarə Akimova çıxış edərək biblioqrafiyanın məziyyətlərindən, əhəmiyyətindən, eləcə də Rafiq Yusifoğlunun çoxşaxəli yaradıcılığından söhbət açmışlar. Əməkdar müəllim, tanınmış uşaq yazıçısı, professor Zahid Xəlil, professor Elman Quliyev, professor Şahin Xəlilli, filologiya üzrə fəlsəfə doktoru İlhamə Ağazadə, uşaq yazıçılarından Sevinc Nuruqızı və Reyhan Yusifqızı çıxış etmişlər. Yekunda Rafiq Yusifoğlu sanballı biblioqrafiya və Elektron Məlumat Bazasını hazırlayanlara, ön söz müəllifi İsa Həbibbəyliyə, çıxış eləyənlərə, təqdimat mərasimində iştirak edən Ədəbiyyat İnstitutunun, Əlyazmalar İnstitutunun, Azərbaycan Dillər Universitetinin, Sumqayıt Dövlət Universitetinin əməkdaşlarına, ictimai təşkilatların nümayəndələrinə, iştirakçıların hamısına öz dərin təşəkkürünü bildirmişdir.
Sevda Cəmilqızı
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar