Odessaya kütləvi dron hücumu olub, binalar zədələnib, insanlar xəsarət alıb

Bu gün, sentyabrın 7-də, Rusiya ordusu Odessa və şəhər ətrafına kütləvi dron hücumu həyata keçirib. Hücum nəticəsində üç nəfər xəsarət alıb.
Manevr.az xəbər verir ki, UNİAN müxbirinin məlumatına görə, səhərə yaxın bir neçə saat ərzində ruslar Qara dəniz istiqamətindən Odessaya “Şahed” tipli dronlar buraxıblar.
Şəhərin müxtəlif rayonlarında partlayış və atəş səsləri eşidilib. Zərbə dronları birbaşa yaşayış binalarının üzərindən uçub, onların vızıltısı aydın eşidilib.
Odessa vilayət prokurorluğunun mətbuat xidmətindən bildirilib ki, səhər saatlarında Rusiya Silahlı Qüvvələri Odessanı, Odessa rayonunu və regionun daha bir yaşayış məntəqəsini zərbə dronları ilə kütləvi hücuma məruz qoyub. Xüsusilə, vilayət mərkəzinə bitişik yaşayış məntəqələrində və bir kənddə 5 mərtəbəli bina, taxıl anbarları və 7 avtomobil zədələnib.
“Düşmənin hücumu nəticəsində Odessada 3 mülki şəxs – 73 yaşlı qadın, 27 yaşlı qadın və 36 yaşlı kişi xəsarət alıb. Qadınlar xəstəxanaya yerləşdirilib, kişiyə isə hadisə yerində ilkin tibbi yardım göstərilib,” – deyə qurum əlavə edib.apa