Kadırov xəstəxanaya yerləşdirildi - Bodrumda boğulurmuş...

Çeçenistanın Dövlət Başçısı Ramzan Kadırov, tətil məqsədilə gəldiyi Türkiyənin Muğla vilayətinin Bodrum rayonunda dənizdə boğulma təhlükəsi yaşayıb.
Hadisə günorta saatlarında Bodrumun Kaynar məhəlləsində, 5 ulduzlu bir oteldə baş verib. Dənizə girən Kadırov bir anda çırpınmağa başlayıb. Ətrafda olan otel işçiləri vəziyyəti anlayaraq təhlükəsizlik və tibbi qruplara xəbər veriblər.
Sahil Təhlükəsizlik Xidmətinin əməkdaşları tərəfindən sahilə çıxarılan Kadırov, təcili tibbi yardım maşını ilə xəstəxanaya aparılıb.
Kadırova ilk tibbi müdaxilə sahildə edildikdən sonra o, özəl bir xəstəxanaya yerləşdirilib. Əldə edilən məlumata görə, Kadırovun səhhəti yaxşıdır və həyati təhlükəsi yoxdur.
Bir müddət müşahidə altında saxlanılan Çeçen liderin ümumi vəziyyətinin sabit olduğu bildirilib.