Ağdamda polis minaya düşdü: sağ ayaq pəncəsi amputasiya edildi

Bu gün saat 01:50-də Ağdam rayonunda baş verən mina partlayışı səbəbilə xəsarət alan şəxs Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya edilib.
Bu barədə TƏBİB-dən məlumat verilib.
Bildirilib ki, 27 yaşlı kişiyə sağ ayaq pəncəsinin travmatik amputasiyası diaqnozu təyin edilib və cərrahi əməliyyat edilib.

Vəziyyəti orta ağır qiymətləndirilən şəxsin müalicəsi hazırda Reanimasiya şöbəsində davam etdirilir.