Qazi təcili yardım maşınının şüşələrini sındırdı

Abşeron rayonunda insident törədilib.
Manevr.az-ın “qafqazinfo”ya istinadən məlumatına görə, hadisə ötən gün Xırdalan şəhərində qeydə alınıb. 
29 yaşlı Zaur Hüseynov çağırışa gələn təcili yardım avtomobilinə xuliqanlıq niyyətilə zərər vurub. O, maşına zərbələr endirərək operativ nəqliyyat vasitəsinin şüşələrini sındırıb.
Ətrafda olan şəxslərin köməkliyi ilə Z.Hüseynovun hərəkətlərinin qarşısı alınıb.
İnsidentlə bağlı polis tərəfindən araşdırma aparılır.
Qeyd edək ki, Z.Hüseynov Vətən müharibəsi iştirakçısıdır.