Xəbər lenti
Zəfərimiz şərəfimizdir! - Mənsurə Xələfbəyli yazır
(Tariximizin həm qürurlu, həm ağrılı səhifəsinə ithaf olunur)Zəfər günü - sevincli andır, amma kədərin bağrından doğan gündür.O yolda oğullar can verdi, torpaq qana boyandı. Anaların göz yaşı ilə suvarıldı Vətənin azad sabahı.Yetim uşaqların ata həsrəti, dul qadınların iztirabı yazıldı qələbənin astanasına.Zəfər günü- igidlərin qanı ilə dirçələn ana torpağın həm qurtuluşu, həm də göz yaşıdır. Yarımçıq qalmış arzular, ah çəkən xatirələr...Oğul həsrətindən ataların beli büküldü. Ağrı torpağa çökdü, ümid göylərə qalxdı. Üçrəngli bayrağımız azadlığın nəfəsi tək səmalarda dalğalandı.Əsir düşmüş qız- gəlinin fəryadı yaddaşımıza qanla yazıldı.Onların tapdanan izzəti tarixin yaddaşına dağ çəkdi. Zəfərimiz - qüruru tapdanmış namusun ədalət günüdür!Müharibənin yetim qoyduğu körpələr - atasını torpaq bilən, soyuq məzara "ata" deyə səslənən övladlar, intiqam və ağrı ilə qidalandılar. 44 günlük savaşda illərin həsrəti və ağrısı ilə silaha sarıldılar. Atasızlığın intiqamını aldılar. Zəfər günü - qanla suvarılmış torpağın dirçəlişi, şəhid ruhlarının işıq saçdığı an, ümidlərin qəlbdə yenidən doğduğu Vətən bayramıdır. Hər damla qan, hər göz yaşı azadlıq üçün yazılmış ən müqəddəs şeirdir. Bu gün ağrı ilə sevincin, qürurla göz yaşının bir-birinə qarışdığı gündür. Zəfər günü -Allahın ədalətinin Qiyamətə saxlamadığı gündür!
Mənsurə Xələfbəyli
Yazıçı- publisist
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Yazarlar
Emil Rasimoğlu
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
Sorğu
Portalımızı dəyərləndirin.
Çox oxunanlar