Xəbər lenti
"Gülüşünə təslim idi, bəxtdən küsmüş yaralı qəlb" - Ülviyyə Əbülfəzqızının şeirləri
Ülviyyə Əbülfəzqızı
Yerin- göyün sevgisində oxşar qəlblər pıçıldaşır
Gözaldadan gülüşündə gizlənirdi böyük kədər,
Baxışların səssiz dili söyləyirdi həqiqəti.
Gülüşünə təslim idi, bəxtdən küsmüş yaralı qəlb,
Döyüntülər bəstəkartək bəstələyir səadəti.
Susmuş qəlbin yarasında boy atmışdı uca çinar,
Hər döyüntü bir yarpağı bəsləyirdi aram- aram.
Ağrı ilə qidalanan yarpaqları qorxutmurdu,
Dayanmadan güclü külək söyləsə də, varam-varam.
Çiyinlərim yükdən azad, vücud donun soyunmuşam,
Ucaldıqca- ucaldıqca vüsal eşqim coşub- daşır.
Sarıldıqca öz mənimə rahatlaşıb tamlaşmışam,
Yerin- göyün sevgisində oxşar qəlblər pıçıldaşır.
Sərgərdan ruhlar!
Bağışla, vücudundan üzr istəyirəm,
Ruhum ruhunun yolunu azdırıb.
Ona hakim deyiləm, qolubağlı əsiriyəm,
Görünür, sənin də ruhun sözə baxmazdır.
Qoşulub ruhuma səmanı ölçür,
Gah səmadayıq, gah yerdə.
Gah zirvədəyik, gah dərədə,
Gah küləyə yoldaşıq, gah Günəşə.
Gah oda qaçırıq, gah yağışa,
Sərgərdan ruhlarıq ARAFDAYIQ
İki vücudu əridib bir NURDAYIQ!
Ağlına əsir düş ol ki,dustağı...
Tikanlar əl-ələ verib durursa,
Tikanlı zəncirdən divar qurursa.
Ürək cəsarəti göydən içirsə,
Tikan nə edəcək? Ayaq keçirsə.
Hünərli dərdlərə qalxan tutacaq,
Qorxunu kökündən tutub atacaq.
Hünərsiz islanar göz yağışından,
Qüdrətli bilinər öz baxışından.
Acizlər yüz fikrə sındırarkən baş,
Birdə ayılar ki, qaralıbdır qaş.
Müdriklər ağlını işə salacaq,
Müdrikdən dərs alan zəfər çalacaq.
Xeyir qapısını açmaq istəsən,
Birinci gərəkdir, xeyri seçəsən.
Dünya həyatına əymə sən boyun,
Görərsən min hoqqa, yüzlərlə oyun.
Qaranın sehrində ağ görünənlər,
Əslində zülmətdən don geyinərlər.
Etdiyin əməllər qarşına çıxar,
Demə mən güclüyəm o dartıb yıxar.
Günah zirvəsində ad almayasan,
Mizanı nəzərdən heç salmayasan.
Dostunu seçərkən ehtiyatlı ol,
Ağılsız olanla tərs gedəcək yol.
Ağlına əsir düş ol ki, dustağı.
Ariftək seçəsən qaradan ağı.
Ülviyyə Əbülfəzqızı
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar