Xəbər lenti
Siz bor men dunyoga baxtman, dadajon - she'r
Mavluda Azimova, O‘zbekiston Respublikasi Andijon viloyatining Baliqchi tumanida tugʻilgan. Andijon Davlat Universitetining maktabgacha taʼlim fakulteti talabasi. 2015 yilda “Buyuklar biz tomonda” nomli ilk kitobi chop etilgan. Respublika yosh ijodkorlarining Zomin seminari ishtirokchisi.OʻZBEKISTON
Qoʻling qadoq, diling yara,
Yuraging qon boʻldi faqat.
Bolalaring och nahoru
Zorliging non boʻldi faqat.
Tergan ham sen, bergan ham sen,
Ham oʻgʻriyu mergan ham sen.
Tomlargacha paxta ekib,
Kechganing jon boʻldi faqat.
Doʻppingda suv toshib chiqding,
Dalalardan oshib chiqding,
Tinmay bogʻlar yaratdingu
Soʻng pushaymon boʻlding faqat.
Mana hurlik zamon keldi,
Ozod halqim omon keldi.
Ming sinovlar kelsa hamki,
Oʻzbekiston boʻlding faqat!
Oʻzbekiston boʻlding faqat!
AYLANAY
Bir iliq soʻz aytmoqligim bor,
Bir bor aytsam, boshlanar chaman.
Qush boʻlsam ham qaytmoqligim bor,
Koʻzlaringdan aylanay, Vatan!
Hayotimga kiradi nurlar,
Soʻng, oʻzimni deyman mardona.
Qadamingdan oʻstirsang gullar,
Izlaringdan aylanay, ona!
Oppoq qalblar jam boʻlgan davra,
Bor sinovlar chiqolmas yengib.
Sen doyalik qilganing – oʻgʻil,
Qizlaringdan aylanay, sevgi!
Quyosh degan yurtda yashayman,
Tirikmanki yonsam umrbod.
Yasha deya yuzimga qoʻygan,
Yuzlaringdan aylanay, hayot!
ONA KETAYAPTI
Bola kulib turar beparvolarcha,
Stolga bosh qoʻyar kiprigi titrab.
Onasi ketyapti devonalarcha,
Uyqusiz koʻzini ketmonga tirab.
Ming yillik chinorlar oʻzgargani yoʻq,
Dunyoda qolmagan boshqa gʻam tashvish.
Ona bolasidan juda koʻngli toʻq,
Unga bahor deya oʻtkazmoqda qish.
Ota ketib qolgan nomsiz joylarga,
“Nomi oʻchsin!” deya qargʻaydi ona.
Har tun sogʻinganin aytadi oyga,
Har tongda oʻzini atar mardona.
Iltimos, bolakay, kulma undayin,
Sakkiz soat uyqu - sangʻidi tongda.
Stolga kitob qoʻy, shunda boshingni
Koʻklarda koʻrasan ushbu Vatanda.
Ajinga joy yoʻqdir onang yuzida,
Dili porlamoqda dil izhorlikka.
Har tongda quyoshni uygʻotib qoʻyib,
Onang ketayapti mardikorlikka.
DADAJON
Menga dunyo mehr tutib tursa ham,
Koʻzdagi yoshlarim oqadi har kun.
Kulgungiz - men uchun quvonchdir har dam,
Juda koʻp qiynalib ketyapman, dadam.
Bilmadim, axir bu qiyinchilikmi?
Siz har kun chekasiz shunday jafoni.
Olaman baxtzorda birinchilikni,
Ammo dil qayerdan topsin vafoni.
Sizni sogʻinyapman, sogʻinchim cheksiz,
Iqrorim bunchalar boʻlmas hech qachon.
Qizim eng baxtiyor qiz boʻlar, debsiz,
Siz bor men dunyoga baxtman, dadajon.
Mavluda Azimova
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar