Xəbər lenti
Nensi Pelosinin sərvəti 37 ildə 17 min faiz artıb
ABŞ-ın keçmiş Nümayəndələr Palatasının spikeri Nensi Pelosi siyasi karyerası dövründə sərvətini 16 930% artırıb. O, 1987-ci ildən Konqresdə təmsil olunur və bu müddətdə əri Pol Pelosi ilə birlikdə 133,7 milyon dollarlıq səhmlər portfeli formalaşdırıb.
Manevr.az xəbər verir ki, bu barədə analitik platforma Quiver Quantitative məlumat yayıb.
Məlumata görə, 1987-ci ildə Pelosi ailəsinin səhmlərinin ümumi dəyəri 610–785 min dollar arasında olub. Hazırda bu rəqəm 133 milyon dollardan çoxdur ki, bu da illik orta gəlirlilik 14,5% deməkdir. Müqayisə üçün, S&P 500, NASDAQ və Dow Jones kimi əsas ABŞ indekslərinin illik gəlirliliyi 7–9% arasında dəyişir.
Bloomberg yazır ki, yalnız 2023-cü ildə Pelosi-nin investisiya portfeli 54% artıb. Bu göstərici S&P 500 indeksinin nəticəsini iki dəfədən çox üstələyib.
Pelosinin son maliyyə hesabatına əsasən, o, NVIDIA, Palo Alto Networks, Salesforce, Netflix və Apple kimi təxminən 20 texnoloji şirkətə sərmayə yatırıb. Ən gəlirli əməliyyatlardan biri 2023-cü ilin sonunda həyata keçirilib. Belə ki, Pelosi NVIDIA-nın 50 000 səhmində kol opsion alıb. O, bu əməliyyata 1,8 milyon dollar sərf edib və hər səhm üçün 12 dollar ödəyib. Hazırda həmin səhmlərin dəyəri 7 milyon dollardan çoxdur.
Konqresmenlərin maliyyə əməliyyatlarını izləyən ETF fondunun (NANC) idarəedicisi Den Vayskof bildirib ki, o, aqressiv və inamla ticarət aparır və bu cür davranış yalnız etibarlı məlumatlara sahib olan insana xasdır.”
Respublikaçı Milli Komitənin nümayəndəsi Kirsten Pels isə qeyd edib ki, “Nensi Pelosinin əsl mirası ABŞ tarixinin ən uğurlu ‘insayder-treydəri’ olmaqdır. Əgər başqa biri 785 min dolları 133 milyon dollara çevirsəydi, indi çoxdan həbsdə olardı.”
New York Post-un məlumatına görə, Pelosi ailəsinin ümumi sərvəti, səhmlər də daxil olmaqla, təxminən 280 milyon dollardır. Ailəyə Napa vadisində şərab zavodu, Bay Area-da italyan restoranı, kommersiya daşınmaz əmlakı və San-Fransiskodakı Pacific Heights məhəlləsində yerləşən ev məxsusdur.
ABŞ Konqresinin ilk qadın spikeri olan Nensi Pelosi bu həftə 2027-ci ildə siyasətdən gedəcəyini açıqlayıb. Bu qərar, konqresmenlərin daxili məlumatlardan istifadə edərək birja əməliyyatları aparması ilə bağlı artan ictimai təzyiqlərin fonunda qəbul edilib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Kriminal
Şou-biznes
.jpg)
Yazarlar
Emil Rasimoğlu
Emil Rasimoğlu
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
Sorğu
Portalımızı dəyərləndirin.
Çox oxunanlar