Ukrayna ordusunun bölmələri Türkiyə və Britaniyaya göndəriləcək

Prezident Volodimir Zelenski Ukrayna silahlı qüvvələrinin bölmələrinin digər dövlətlərə göndərilməsi ilə bağlı qanunu imzalayıb.
Manevr.az xəbər verir ki, bu barədə Ukrayna Radası məlumat yayıb.
Bu qanun, Ukraynanın milli təhlükəsizliyinin və müdafiə qabiliyyətinin gücləndirilməsi məqsədilə qəbul edilib.
Qanun Türkiyədə inşa edilmiş və hazırda son tamamlama işləri yekunlaşdırılan Ukrayna Hərbi Dəniz Qüvvələrinin "Getman İvan Mazepa" korvetinin heyəti olacaq 106 nəfər hərbiçini həmin ölkəyə göndərməyə imkan verəcək.
Bununla yanaşı, 195 hərbçi Böyük Britaniyada Ukrayna üçün inşa edilən 5 mina əleyhinə hərbi gəmilərin heyəti kimi həmin ölkəyə yola salınacaq.
Beləliklə, qanunun tətbiqi, həmçinin tərəfdaş ölkələrdən hərbi texnikanın alınması prosesinin təkmilləşməsinə, müvafiq bölmələrin şəxsi heyətlə və alınan texnika ilə komplektləşdirilməsinə, həmçinin bu texnikanın mənimsənilməsi və istifadəyə hazırlanması üçün tələb olunan uzunmüddətli hazırlıq dövrlərinə dəstək göstərəcək.