Rusiyada palma yağının istifadəsi qadağan edilir

Rusiyada palma yağının istifadəsinə məhdudiyyət qoyula bilər.
Manevr.az xəbər verir ki, Rusiya Dövlət Duması məhsul istehsalında palma yağının istifadəsinə məhdudiyyətlərin tətbiqini təklif edib.
Ailə məsələlərinin müdafiəsi komitəsi tərəfindən bu məsələ ilə bağlı hökumətə müraciət layihəsi təqdim olunub.
Təklifdə qeyd olunur ki, hazırda qüvvədə olan qanunvericilik palma yağının keyfiyyətinə, daşınmasına, nişanlanmasına və məhsul tərkibində göstərilməsinə dair yetərli nəzarət mexanizmlərini təmin etmir. Deputatlar hökumətdən dekabr ayına qədər bu məsələ ilə bağlı mövqeyini bildirməyi xahiş ediblər.
Bundan əlavə, parlament palma yağına tətbiq olunan gömrük rüsumlarının artırılması və istehlakçını aldadan istehsalçılara qarşı cəzanın sərtləşdirilməsi məsələsinin də qiymətləndirilməsini təklif edib.milli.az