İsrail hakimiyyəti tərəfindən Qüdsün şimal-qərbində yerləşən Halayle məhəlləsi, Beyt İqsa və Nəbi Samuel kəndlərinə yeni giriş məhdudiyyətləri tətbiq olunub.
Manevr.az xəbər verir ki, Fələstin mətbuatının yaydığı məlumata görə, bu bölgələrə daxil olmaq və çıxmaq artıq xüsusi icazə sənədi ilə mümkündür.
Yeni qaydalara əsasən, hərbi keçid məntəqələrində yalnız icazə sənədi olan şəxslərə keçid veriləcək. Bu addım, yerli əhalinin öz doğma torpaqlarında artıq ev sahibi kimi deyil, yalnız "sakin" statusu ilə tanınmasının göstəricisi kimi dəyərləndirilir.
HƏMAS-ın Qüds Məsələləri İdarəsinin rəhbəri Harun Nəsirəddin məsələ ilə bağlı yazılı açıqlama verərək, İsrailin bu siyasətini kəskin şəkildə tənqid edib. O, bu qərarı Qüdsün faktiki olaraq təcrid edilməsi və şəhərin parçalanması istiqamətində atılan addım kimi qiymətləndirib.