Xəbər lenti
Türkiyədə Zəfər Bayramının 103-cü ildönümü qeyd olunur
Türkiyədə Zəfər Bayramının 103-cü ildönümü geniş qeyd olunur.
Manevr.az xəbər verir ki, milli bayramla əlaqədar qardaş ölkənin hər yerində çoxsaylı yürüş, görüş, konsert proqramı və digər tədbirlər təşkil edilir.
Prezident Rəcəb Tayyib Ərdoğan başda olmaqla ölkə rəhbərləri ənənəvi olaraq Ankarada Türkiyə Cümhuriyyətinin qurucusu Mustafa Kamal Atatürkün mavzoleyini ziyarət edəcək, türk xalqının milli azadlıq mübarizəsinin bütün iştirakçılarının xatirəsini ehtiramla anacaqlar.
Prezident Ərdoğan Türkiyə Silahlı Qüvvələrinin Ali Baş Komandanı kimi Ankaradakı Prezident sarayında Zəfər Bayramı münasibətilə təbrikləri qəbul edəcək.
Qazi Mustafa Kamal Atatürkün komandanlığı altında türk ordusunun 1922-ci il avqustun 26-da Dumlupınar döyüşü ilə başlayan hücumu dörd gün davam edib və müdaxiləçi qoşunların tam məğlubiyyəti ilə başa çatıb. Bu Zəfər türk xalqının milli-azadlıq mübarizəsində dönüş nöqtəsi oldu - xarici qüvvələr Türkiyə ərazisindən sıxışdırılıb çıxarıldı və tezliklə Cümhuriyyət elan edildi. Dumlupınar Zəfərindən sonra Mustafa Kamal Paşa qoşunlara yeni bir əmr verdi: “İlk hədəfiniz Aralıq dənizidir. İrəli!” Sentyabrın 9-da türk ordusu İzmiri azad etdi.
Xatırladaq ki, Zəfər Bayramı 1926-cı ildə Türkiyədə milli bayram kimi təsis edilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Media
Kriminal
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar