Xəbər lenti
Əriyən buzlağın altından "balina qəbiristanlığı" çıxdı
Rusiya Arktikasında yerləşən buzlaqlardan birinin sürətlə geri çəkilməsi nəticəsində qədim dövrlərə aid kit balinalarının sümük qalıqları - "balina qəbiristanlığı" aşkar edilib. Manevr.az xəbər verir ki, bu barədə "Live Science" nəşri məlumat yayıb.
Bu ilin əvvəlində Rusiyanın Arktika və Antarktika Elmi-Tədqiqat İnstitutunun (AAETİ) təşkil etdiyi tədqiqat ekspedisiyası Rusiyanın ən ucqar şimalındakı Vilçek adasında əbədi donmuş torpaq qatını araşdırmaq üçün işə başlayıb.
AAETİ-nin geoloqu Mikita Demidov bildirib ki, komanda peyk görüntüləri vasitəsilə buzlağın cari və keçmiş vəziyyətini müqayisə edib. Nəticədə məlum olub ki, adanın buz örtüyü son 20 il ərzində iki hissəyə ayrılıb.
Adadakı buz təbəqəsinin parçalanması nəticəsində bir neçə kvadrat kilometr ərazi üzə çıxıb. Həmin sahədə çoxlu sayda kit balinası sümükləri aşkarlanıb. Bəzi skeletlər yaxşı vəziyyətdə qalıb. Demidov qeyd edib ki, dəniz sahilinə yaxın sümüklər daha çox zədələnib, çünki onlar daha uzun müddət əriməyə məruz qalıb, lakin buzlağa yaxın olanlar daha yaxşı qorunub.
O, tapıntının dəniz səviyyəsinin son bir neçə min il ərzində Avrasiya materikinin ən şimalındakı arxipelaqda olduqca sürətli dəyişdiyini göstərdiyini vurğulayıb.
Qeyd olunur ki, ekspedisiya Rusiya bayrağı altında üzən "Professor Molçanov" buzqıran gəmisindən idarə olunur və avqusta qədər davam edəcək.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Kriminal
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar