Ermənistanın Baş naziri Nikol Paşinyanla Erməni Apostol Kilsəsinin rəhbərliyi arasında münasibətlərdə gərginlik davam edir. Səbəb hökumətə yaxın qüvvələrin kilsənin maliyyə fəaliyyətinə nəzarət etmək istəməsidir.
Manevr.az xəbər verir ki, hakim "Mülki müqavilə" partiyasının parlament fraksiyası kilsənin dövlətə maliyyə hesabatı verməsini nəzərdə tutan qanun layihəsi üzərində işləmək niyyətindədir. Bu barədə fraksiyanın katibi Artur Ovannisyan sosial şəbəkədə məlumat verib.
O, bildirib ki, şəxsi "Facebook" səhifəsində keçirdiyi sorğuda iştirak edən 2679 nəfərin 96 faizi (2575 nəfər) kilsənin dövlətə hesabat verməli olduğunu düşünür. Yalnız 4 faiz (104 nəfər) bunun əleyhinə çıxıb.
Ovannisyan əlavə edib ki, bu nəticələr qanunvericilik təşəbbüsü üçün əsas yaradır.
