Taliban rejimində qızların təhsili ilə bağlı fikir ayrılığı dərinləşir

Manevr.az teleqraf-a istinadən xəbər verir ki, bəzi nazirlər qızların təhsilinə qoyulan qadağanın ləğv edilməsi təşəbbüsü ilə çıxış ediblər.
Hərəkatın ali lideri Heybətullah Axundzadənin yaşadığı cənubdakı Qəndəhar şəhərindən olan Taliban üzvləri ilə paytaxt Kabildən olan daha mötədil üzvlər arasında fikir ayrılığı getdikcə dərinləşir.
Əfqanıstanın xarici işlər nazirinin müavini vəzifəsini icra edən Şer Məhəmməd Abbas Stanikzai 2021-ci ilin sentyabrında hərəkatın hakimiyyəti ələ keçirməsindən bir ay sonra tətbiq edilən qadağaya qarşı çıxıb.
Yanvarın 18-də şərqdəki Xost əyalətində keçirilən buraxılış mərasimində Stanikzai "Taliban qızların məktəbə getməsinə qadağa qoymaqla ədalətsizlik etdi" deyə bildirib. O əlavə edib ki, bu, şəriət qanunlarına uyğun deyil, daha çox "şəxsi seçim"lə bağlıd
Talibanın Qətərdə ABŞ qoşunlarının Əfqanıstandan çıxarılması ilə bağlı danışıqlar aparmaq üçün səlahiyyət verdiyi Stanikzai ölkəni tərk edərək Birləşmiş Ərəb Əmirliklərinə sığınıb.
Birləşmiş Millətlər Təşkilatının Uşaq Fondunun (UNICEF) məlumatına görə, Əfqanıstanda 2,2 milyona yaxın qız təhsil almaqdan məhrum edilib.