Şimali Koreyadan 2 ölkəyə xəbərdarlıq

Şimali Koreya Cənubi Koreya və ABŞ-ın illik "Freedom Shield" hərbi təlimlərini aqressiv və təxribat xarakterli adlandıraraq, təhlükəsizliyini təmin etmək üçün zərbə gücünü artırmağa davam edəcəyini bəyan edib.
Manevr.az axar.az-a istinadən bildirir ki, bu barədə Şimali Koreya Xarici İşlər Nazirliyinin bəyanatında bildirilib.
Qeyd olunub ki, bu təlimlər ilk dəfə quru, dəniz, hava, kosmos və kiberməkanı əhatə edib.
Vurğulanıb ki, Koreya yarımadasında hərbi toqquşmalar yalnız KXDR və ABŞ arasında qalmayacaq və yeni dünya müharibəsinə səbəb ola bilər.
Şimali Koreya düşmən ölkələrin hərbi addımlarına qarşı cavab tədbirlərini daha da gücləndirəcəyini və məsuliyyətli bir nüvə dövləti kimi regionda və dünyada sülhü qoruyacağını bildirib.