Papanın vəziyyəti açıqlandı

Roma Papası Fransiskin vəziyyəti kritik olaraq qalır.
Manevr.az xəbər verir ki, bu barədə Vatikan  məlumat yayıb.
Açıqlamada Papaya iki vahid qan köçürüldüyü və bunun hemoglobin səviyyəsini artırmağa kömək etdiyi qeyd olunub. Trombosit səviyyəsi stabil qalsa da, qan analizləri onun yüngül böyrək çatışmazlığının başlanğıc mərhələsində olduğunu göstərib. Hazırda Papa burundan yüksək axınlı oksigen dəstəyi alır.
Buna baxmayaraq, onun şüuru yerindədir və ətrafındakılarla yaxşı ünsiyyət qura bilir. Vatikan bildirib ki, xəstəliyin mürəkkəbliyi və tətbiq olunan dərman müalicəsinin təsirini görmək üçün müəyyən gözləmə müddəti tələb olunur. Bu səbəbdən, vəziyyətin necə inkişaf edəcəyini diqqətlə izləməyə davam edirlər.