Gənc Qazilər Birliyinin sədri Hacı Vəliyev saxlanıldı

Gənc Qazilər Birliyinin sədri Hacı Vəliyev saxlanılıb.
Manevr.az xəbər verir ki, bu barədə saytlara onun yaxınları məlumat verib.
H. Vəliyevin dünən gecə saatlarında Bakı Şəhər Baş Polis İdarəsinin əməkdaşları tərəfindən saxlanıldığı bildirilib.
Manevr.az-ın məlumatına görə, H.Vəliyev xuliqanlıqda ittiham olur. Onun barəsində xuliqanlıq maddəsi ilə cinayət işi başlanıb.
Daxili İşlər Nazirliyi mətbuat xidmətinin bölmə rəisi Nurlan Əliyev lent.az-a faktı təsdiqləyib. O bildirib ki, Hacı Vəliyev barəsində olan cinayət işi ilə əlaqədar saxlanılıb. 
İstintaq hərəkətləri davam etdirilir.
Qeyd edək ki, “Gənc Qazilər Birliyi” adlı QHT dövlət qeydiyyatına alınmayıb. Hacı Vəliyev özünü qanunsuz fəaliyyət göstərən bu təşkilatın "sədr"i kimi təqdim edirdi.