_99.jpg)
Xəbər lenti
O mənim aktyorumdur
O, səhnəyə daxil olur… Daha doğrusu səhnə onun üçün qurulub. Bütün tamaşaçılar kimi onun yenə gözəl obraz yaradacağına inanıram. Daha doğrusu bütün tamaşaçılardan biraz çox. Hər şeydə biraz çox ona güvənmək olar. Bilmirəm, bəlkə daha çox güvənmək olar. O, səhnədə daha uğurlu görünür… O, səhnədə daha işıqlı adamdır… Onu səhnə ilə birlikdə sevmək daha haqlı hisdir. Axı, o, səhnə üçün doğulub. Səhnədəki qədər onun gözləri heç vaxt parlamır. Əslinə onun özü təkdir (cismani). Ruhunda isə hər kəs özünü biraz tapa bilər,- Mən qədər, məndən daha az və ya məndən daha çox… Bilmirəm bəlkə də onun özü qədər… Ona mənim aktyorum demək həm günahdır, həm də haqsızlıq. Günahdır ona görə ki, o, səhnə ilə nəfəs alır- tək mənim aktyorum yox, həm də səhnənindir. Haqsızlıqdır ona görə ki, onu bu qədər insan sevir. Bu qədər sevgiləri gizlətmək olmaz. Axı onu irəlidə daha çox tamaşaçı sevgisi gözləyir…
Biraz Bakıxasiyyətlidir- küləkli xarakteri var… Sən bir onun obrazlarına bax. O külək onun obrazlarında da əsir. Külək xasiyyətli, gözündə günəş parıltısı olan biri mütləq ki aktyor olmalıdır.
İndi deyəcəksiniz ki, görəsən, bu qız hər dəfə belə diqqətlə baxır ?! - Yox. Bu da bir iş idi. Ki,tamaşa davam edə- edə çevrilib zala baxdım. Hamının gözü onda idi. Kimisi maraqlı obraza baxırdı, kimisi yekunu gözləyirdi, kimisi də… Nə isə, keçək əsas məsələyə. Daha doğrusu qayıdaq əsas məsələyə. Səhnədə bütün hərəkətlərində yalvarış görürdüm. Bu yalvarış qətiyyən insanlara deyildi. Onun hər hərəkətləri sanki səcdə idi. Ki, “Allahım, nə yaxşı məni aktyor yaratmısan”. Bəli, məhz yaratmısan. Axı aktyorluq öyrənilmir. İnsan mütləq o talantla doğulsun ki, həmin istedadın da zamanla elminə yiyələnsin.
Səsi, əlləri, bütünlüklə hərəkətləri “mən də varam” deyir. Onun rolları da özü qədər fərqlidir. Bu fərqlilikdə bəşərilik də, gözəllik də, sufilik də- hər şey var. Sadəcə onları görmək üçün biraz diqqətli olmaq lazımdır. Bir az?- Bu “bir az” artıq insanın özündən aslıdır. Kim nə böyüklükdə baxacaqsa, “O” böyüklükdə də görəcək.
Tamaşa bitir və hər kəs ayaq üstə alqışlayır…. Sakit- sakit baxışlarla zalı süzüb, iti addımlarla səhnədən qrim otağına qaçan “mənim aktyorum” idi
Əntiqə Səməndər
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar