Xəbər lenti
Haqqında yazı yazdığın müəllif sənin "əsirin" deyil...
Sevinc Qərib
Yaradıcılığına diqqət göstərdiyin, haqqında yazı yazdığın müəllif sənin "əsirin" deyil. Yazmısan, yaxşı eləmisən. Bu, o demək deyil ki, o adam davamlı sənin xidmətində dayanmalı, hər dediyinə, yazdığına münasibət göstərməlidi...
Etdiyin işə qarşılıq gözləmək, mənəvi azadlığı madiyyatın cənginə verməkdi. Nədir bu təmənna? Belə çıxır ki, yazı məqsədli yazılıb, əslində yaradıcılıq filan maraqlı deyil. Ürəkdən gələn, ruhun diktəsi ilə yazılan hər hansı mətnin müəllifi umacaqlı ola bilməz. Yaradıcılığı təmənna ilə "dəyərləndirənlərin" səmimiyyətinə, söz sevgisinə inanmıram.
Özün üçün yazırsan axı. Ruhunu sakitləşdirmək, duyğularını dilləndirən, hisslərinə hakim kəsilən yaradıcılıq nümunələrinə heyranlığını ifadə etmək ehtiyacını yazıya köçürürsən.
Unutmuşam e yazdıqlarımı, kimdən, nə vaxt...
Şeirlərini paylaşdığım, yaradıcılığı haqqında kiçik mətnlə olsa da münasibətimi sərgilədiyim müəlliflər var ki, dostluğumu tərk ediblər. Nə incimirəm, nə küsmürəm, nə də qeyzlənmirəm. Və kimisə "əsarətimdə" saxlamaq niyyətim yoxdu. Yəni düşüncəmə, xarakterimə yaddı bu cür yanaşma. Ayrı-ayrı müəlliflərin şeirlərini paylaşmaq, haqqında yazmaq mənim istəyimdir, oxuduğun an könlünü boyayan söz rəngi ilə başqa könülləri boyamağın, içini çulğayan qarışıq hissləri paylaşmağın nəyi pisdir axı?!!
Sevgi təmənna umulacaq qədər kiçik olmamalı. Umulursa, o sevgi deyil...
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Emil Rasimoğlu
İlqar İlkin
Emil Rasimoğlu
Emil Rasimoğlu
Sorğu
Portalımızı dəyərləndirin.
Çox oxunanlar