Manaf Ağayevin 6 toyu batdı - Behini alıbmış

İşğaldan azad edilmiş ərazilərə səfər etdiyinə tanınmış müğənni Manaf Ağayevin həbs edilməsi gündəmin əsas mövzularındandır.
Qeyd edək ki, müğənninin 15 sutka həbs cəzası alması ilə də məsələ yekunlaşmayıb. Belə ki, Manaf Ağayevin polis postlarından necə keçə bilməsi haqlı suallar doğururdur. Odur ki, artıq Füzuli Rayon Polis Şöbəsində xidməti yoxlamanın aparıldığı və bəzi polis əməkdaşlarının cəzalandırılması haqda məlumatlar yayılıb.
Manevr.az bildirir ki, savash.org-a daxil olan məlumata görə, Manaf Ağayevin həbsi təkcə bəzi polislərə yox, həm də onunla behləşmiş toy sahiblərinə də ziyan verib. Daxil olan məlumatda bildirilir ki, Manaf Ağayevin həbsdə keçirəcəyi günlər üçün 6 toy sifarişi olub və müğənni həmin mərasimlərə görə toy sahiblərindən beh də alıbmış.