Xəbər lenti
Ağadadaş Ağayev əməliyyat olunacaq
Xalq artisti Ağadadaş Ağayev əməliyyat olunacaq.
Bu barədə tanınmış aparıcı Hacı Nuran Hüseynov paylaşım edib.
“Dostlarımın mənim üçün nə qədər dəyərli olduğunu hamı yaxşı bilir ... Onların uğuru öz uğurum, kədəri kədərimdir. Harda olsam da, ürəyim yanlarındadır. Elə Ağadadaş Ağayevin yanında olduğu kimi. İnanın səmimiyyətimə, bu dəqiqə qəlbim onun yanındadır. Çünki sabah mənim qardaşım yenidən əməliyyat olunacaq ... Düz 1 ay onun yanında oldum. Bu, mənim bir vəfa borcum idi. Ağadadaşın həyat eşqi məndə sözün həqiqi mənasında böyük təəssüb doğurdu. Əslində, mənim də o xəstəliklə mücadilə apardığımı hamı bilir. Və hətta mən belə onun qədər həyat dolu deyildim. İstanbulda olduğum ərəfədə ona baş çəkmədiyim gün yox idi. Və hər dəfə də Ağadadaş məni musiqi ilə qarşılayırdı. Mənə elə gəlirdi ki, onun motivasiyası da elə musiqi idi. Və sabah mənim qardaşım yenidən əməliyyat masasına uzanacaq. Ötən əməliyyat düz 5 saat çəkmişdi. Və Ağadadaş Ağayev üçün nəinki mən, doğmaları, ailəsi, dostları, bütün Azərbaycan xalqı dua etdi. Qardaşımın yenə dualarımıza ehtiyacı var. Biz yenə onun üçün Tanrıya əl açmalıyıq Hər ağızda bir dua var axı. Yenə möcüzə olacağına inanıram. İnanıram ki, həyatın bütün sınaqlarından çıxdığı kimi sənətkar qardaşım bu dəfə də əməliyyatdan alnıaçıq, salamat çıxacaq. Əziz qardaşım, tez sağal, səhnəmiz sənsiz olmasın!”
Qeyd edək ki, xərçəng xəstəliyindən əziyyət çəkən xalq artisti mayda da əməliyyat olunmuşdu.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar