Azərbaycanlı bloger reanimasiyaya yerləşdirildi - Vəziyyəti çox ağırdır

Məşhur azərbaycanlı bloger Asya Aslanova ağır vəziyyətdə "Baku "Medical Plaza" xəstəxanasına yerləşdirilib. Bu barədə jurnalist, bloger Ramal İsayev sosial şəbəkədə məlumat verib.
 
Manevr.az xəbər verir ki, o, məsələ ilə bağlı azxeber.com-a açıqlamasında Asyanın durumunun kritik olduğunu bildirib.

Ramal İsayevin sözlərinə görə, dişini müalicə etdirən blogerin bədəninə infeksiya düşüb və sürətlə yayılıb:
 
"Diş həkimi müalicə zamanı yerli keyitmə əvəzinə, ümumi narkozdan istifadə edib. Dişində problem vardı. Bu zaman da dişindəki infeksiya narkoz borusu vasitəsilə bütün bədəninə yayılıb. Hazırda reanimasiyadadır, bilinci qapalıdır, vəziyyəti çox ağırdır. 48 saatlıq gözləmə zamanının 24 saatı geridə qalıb. Hər kəs hələ ki, gözləmə mövqeyindədir. Dualarımız onunladır".