Sizin Reklam Burada
Xəbər lenti
28-03-2024
27-03-2024
BÜTÜN XƏBƏRLƏR

Özündən on beş yaş kiçik oğlanla ailə qurdu, bir gecədə məşhurlaşdı - Xalq artisti haqqında bilmədiklərimiz...

Tarix: 20-11-2022 12:16     Baxış: 4178 A- / A+



Manevr.az kulis.az-a istinadən müğənni, Xalq artisti Nəsibə Abdullayeva haqqında maraqlı faktları təqdim edir.
Nəsibə Məlik qızı Yarməhəmmədova 11 noyabr 1961-ci ildə Özbəkistanın Səmərqənd vilayətinin Boğişamol məhəlləsində anadan olub. Anası Xalçuçuk Xalimakulova əslən tacik, atası Məlik Yarməhəmmədov isə əslən iranlıdır. Nəsibə Abdullayeva atasını etnik fars hesab edir.
***
Nəsibə sadə fəhlə ailəsində böyüyüb. Çoxuşaqlı ailədə doğulan Nəsibə evin sonbeşiyi, səkkizinci uşağıdır.
Onun tərcümeyi-halı lap əvvəldən musiqi ilə bağlıdır. Yaxşı musiqi duyumu olan atası bir neçə musiqi alətində gözəl ifa edib. Musiqiyə olan həvəs ondan qızına keçir. Abdullayevlərin evində tez-tez mahnılar səslənir, musiqili saatlar keçirilir.
***
Nəsibə orta məktəblə yanaşı həm də musiqi məktəbində qarmon sinfinə gedir. Atası qızını musiqi məktəbinə apara bilmək üçün pul yığıb motosiklet alır. Hər gün qızını dərsə aparır, sonra isə onun dərsdən çıxmasını gözləyib evə gətirir.
Orta məktəb attestatını alan Nəsibə xanım Memarlıq və İnşaat İnstitutuna daxil olmaq istəsə də, qəbul imtahanlarından keçə bilmir. Məktəbdə musiqi müəllimi kimi işə başlayır. Bir neçə il sonra Nəsibə Abdullayeva Daşkənd Mədəniyyət İnstitutuna daxil olur.
***
1980-ci ildə o, Səmərqənd musiqi ansamblında vokalisti kimi fəaliyyətə başlayır. Həmin ildə Nəsibənin mahnılardan ibarət iki albomu işıq üzü görür. "Barı qal" və "Səmərqənd" adlı bu mahnılar Nəsibə Abdullayevanın karyerasında debüt olur.
***
1980-ci illərdə onun mahnıları yazılmış maqnitofon kasetləri bütün Azərbaycanda məşhur idi. Oxuduğu nəğmələr insanların könlünü oxşayır, məlahətli səsi ürəkləri fəth edirdi. 1986-cı ildə AZ TV-də efirə getmiş konserti isə onu bir gecədə məşhurlaşdıraraq, həmişəlik azərbaycanlıların yaddaşına yazdı.
Müğənni "Qaragöz boy-boy", "Üzü dönsün bu dünyanın", "Darıxıram", "Leyla", "Bəri gəl" kimi mahnılarla böyük məşhurluq qazanır. Ancaq ona növbəti böyük populyarlığı "Səndən nigaranam" mahnısı gətirir.

1987-ci ildə 31 yaşında Nəsibə Özbəkistanın əməkdar artisti adının sahibi olur. Ali təhsil alan vokalçı 1989-cu ildə Özbəkistan Dövlət Filarmoniyasında işə düzəlir.
***
Müğənni iki dəfə ailə həyatı qurub. Onun ilk evliliyi 1979-cu ildə 18 yaşında əslən Gəncədən olan gitara ifaçısı Eldar Abdullayevlə olur. 1981-ci ildə onların Ənvər, 6 ildən sonra isə ikinci oğlu Əkbər dünyaya gəlir.
20 ildən sonra müğənninin ailəsində problemlər yaranmağa başlayır. 2000-2002-ci illərdə o, hətta səhnə fəaliyyətinə fasilə verir. Həyat yoldaşı ilə yollarını ayıran müğənni bir müddət tək yaşasa da, ikinci dəfə özündən on beş yaş kiçik olan şəxslə ailə qurur. Müsahibələrində bu barədə deyir:
"Mənim birinci həyat yoldaşım da azərbaycanlı idi. Onun ailəsi Azərbaycanda yaşayırdı. İki oğlumuz oldu, amma bəzi səbəblərə görə ailəmiz uzunömürlü olmadı. Ondan bir neçə il sonra ikinci dəfə ailə həyatı qurdum. Artıq xeyli vaxtdır ki, məni çox sevən bir şəxslə həm kəbin, həm də rəsmi nikahla ailə qurmuşam. O da azərbaycanlıdır. Atası Gədəbəydən, anası Səmərqənddən olan azərbaycanlılardandır. Həyat yoldaşım məndən on beş yaş kiçikdir. Elmi işlə məşğuldur. Əvvəl Cenevrədə, indi isə mənim oğlanlarımla birlikdə Londonda yaşayır. Böyük oğlumun 27, kiçik oğlumun isə 21 yaşı var. İki-üç ay Özbəkistanda qalıram, qalan vaxtı mən də Londonda oluram".
Müğənni qeyd edib ki, Azərbaycan mahnılarını oxuyandan sonra azərbaycanlı həmkarları tərəfindən ona qısqanclıq olub:
"Bu diskdə ürəyimə yatan mahnılar çox olur, onlardan bir neçəsini oxumuşam. Bu mahnılardan biri Aygün Kazımovanın ifa etdiyi "Nigaranam" və Faiq Ağayevin "Bağışlaram səni" oldu. Düzdür, həmin müğənnilərlə mənim aramda "məhəbbət üçbucağı" yarandı. Azərbaycan müğənnilərinin mənə olan qısqanclıqlarını qəbul edə bilmirəm. Amma hansısa bir azərbaycanlı müğənninin özbək mahnısını oxuması bizim üçün çox sevindirici olur. Bütün bunlara baxmayaraq, yenə də həmin mahnıları oxuyacağam. Əslində, belə münasibət mənə stimul verir. Mənə ən pis təsir edən isə Nisə Qasımovanın fikirləri oldu. Onun da bir mahnısına müraciət etmişdim. Çünki mənim maşınımda bu xanımın diskləri həmişə olub, o xanıma həmişə qulaq asıram və böyük hörmətim var. Amma özümə qarşı ondan belə münasibəti gözləmirdim".
Dünyanın ən məşhur "Fendi" brendinin reklam çarxında Nəsibə Abdullayevanın "Bir gün mənə rəhmin gələcək" mahnısı səsləndirilib. Bu barədə xəbərsiz olan müğənni mətbuata açıqlama verərək belə deyib:
"Çarxda səsləndirilən "Bir gün mənə rəhmin gələcək" mahnısı mənə aiddir. Özü də bu mahnı 35 il öncə yazılıb. Şübhəsiz, mahnılarımın dünya səviyyəsində sevilməsi və istifadə olunması yalnız xoş hisslər yaradır. Lakin bu ifamı məndən icazəsiz işlədiblər. Ümumiyyətlə, biz "Fendi" ilə əlaqə yaradacağıq. Maraqlıdır ki, nə üçün bizimlə əlaqə saxlamayıblar? Üstəlik, mahnının ifaçısı mən olduğum halda nəyə görə adım orada yazılmayıb? Hələlik qarşı tərəfin reaksiyasını gözləyəcəyik. Yalnız bundan sonra məhkəmə barədə düşünə bilərik".
30 avqust 2022-ci ildə Azərbaycan Respublikasının Prezidenti İlham Əliyev tərəfindən Azərbaycan Respublikası ilə Özbəkistan Respublikası arasında mədəni əlaqələrin inkişafında xidmətlərinə görə "Xalq artisti" fəxri adı ilə təltif edilib.

Manevr.az 

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar