Neftçalalı tələbəni girov götürənlər: "Hüseyni rus əsirinə dəyişə bilərik"

Ukraynada neftçalalı tələbəni girov götürənlər şərtlərini açıqlayıblar.
Manevr.az xəbər verir ki, bu barədə tələbə-girovun əmisi Cahid Abdullayev “report”a bildirib.

“Bir saat bundan öncə qardaşım oğlu Hüseyn Abdullayevi girov götürənlər mənimlə telefon əlaqəsi saxladılar. Dedilər ki, Ukraynada bizim əsirlər var. Əsirlər dəyişdirilən zaman Abdullayevi də o zaman rus əsirinə dəyişə bilərik”-deyə Cahid Abdullayev bildirib.
Qeyd edək ki, Neftçalanın Tatarməhlə kəndində doğulan 2002-ci il təvəllüdlü Abdullayev Hüseyn Amil oğlu Ukraynanı Mariupol Dövlət Universitetinin III kurs tələbəsidir. Srağagün universitetin yataqxanasının zirzəmisində gizlənən H. Abdullayev Azərbaycana qayıtmaq istəyərkən rus əsgərləri tərəfindən girov götürülüb.