Şairin kartından pul oğurlandı - "Kapital Bank, sizin təhlükəsizliyiniz budurmu?"

Şair Elşad Baratın əmək haqqı kartından pul oğurlanıb. 

Manevr.az xəbər verir ki, bu barədə şair özü sosial şəbəkə hesabında məlumat verib. Bildirib ki, kart məlumatları gizli olduğu halda oğurluq edilib.

"Səhər yuxudan oyandım və gördüm ki, əmək haqqı kartımdan pul oğurlanıb. Həm də 3 əməliyyatdan sonra. Hörmətli Kapital Bank, sizin təhlükəsizliyiniz budurmu? Özünüzü ölkənin birinci bankı hesab edirsiz, budurmu sizin birinciliyiniz, budurmu sizin müştəri məmnunluğunuz? Hələ 196 qaynar xəttə zəng edirəm, kart məlumatlarımın gizli olduğunu bildirirəm, lakin 14 iş günündən sonra müraciət etməyimi istəyirsiz. Çox operativsiz"