İran vətəndaşı azıb Azərbaycana keçdi - ŞƏKİL

Azərbaycana keçən İran vətəndaşı ölkəsinə qaytarılacaq.
Dövlət Sərhəd Xidmətinin mətbuat mərkəzindən verilən məlumata görə, fevralın 10-da saat 13:20-də Sərhəd Qoşunlarının Göytəpə sərhəd dəstəsinin Yardımlı rayonunun Buravar kəndi yaxınlığında yerləşən sərhəd zastavasının xidməti sahəsində 1 nəfərin İrandan Azərbaycan istiqamətində dövlət sərhədini pozması müşahidə edilmiş və sərhəd pozucusu sərhəd naryadı tərəfindən saxlanılıb.
Araşdırma zamanı özünü 35 yaşlı Ocarudi Məsud Momen kimi təqdim edənin yolu azması nəticəsində dövlət sərhədini pozması müəyyən edilib.

Faktla bağlı müqabil tərəf sərhəd nümayəndəliyi xətti ilə məlumatlandırılıb, qısa müddətdə həmin şəxsin İrana təhvil verilməsi nəzərdə tutulub.