Səlcuq Bayraktar Qarabağ Zəfərində “Bayraktar” PUA-ların rolundan danışdı

"TEKNOFEST" əslində dönüşüm rüzgarı, cəmiyyətin yüksək texnologiyalar yaradan bir ölkəyə çevrilmək üçün səfərbərliyidir".
Bunu "TEKNOFEST Azərbaycan"la bağlı mətbuat konfransına çıxış edərkən "TEKNOFEST" Müşahidə Şurasının sədri və Türkiye Teknoloji Takımı Vakfının (T3 Vakfı) rəhbəri Selçuk Bayraktar deyib.
O bildirib ki, Türkiyə xaricində bir "TEKNOFEST" həyata keçiriləcəksə, bunu ilk olaraq can qardaşlarımızın torpaqlarında keçirmək istəyirlər: "Bu səbəbdən Türkiyə xaricində ilk "TEKNOFEST"-i Azərbaycanda təşkil edirik. Unutmayaq ki, müstəqilliyimiz üçün milli müdafiə sənayesinə sahib olmağımız əsas şərtdir. Bunun ən yaxşı nümunəsini Türkiyənin terrorla mübarizəsində və Azərbaycanın Zəfərlə nəticələnən Vətən müharibəsində milli "Bayraktar" silahlı pilotsuz aparatlardan istifadə edilməsində gördük. Qarabağ işğaldan azad oldu. Bu səbəbdən millətimizin heç kimə bağlı olmadan yüksək texnologiyanı yaratması lazımdır".