.png)
Xəbər lenti
Prokuror Vüqar Səfərliyə 11 il həbs cəzası istədi
Bu gün Bakı Ağır Cinayətlər Məhkəməsində ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq icraçı direktoru Vüqar Səfərli, müvafiq vəzifələrdə çalışmış Bünyamin İsmayılov, Ədalət Vəliyev, Nadir Məmmədov, Bəxtiyar Fətullayev, Təmkin Xəlilov, Telman Tahirov, Valeh Orucov, Təhminə Yaqubova, Şahin İbrahimov və Namiq Hacıyevin cinayət işi üzrə məhkəmə iclası davam etdirilib.
Manevr.az-ın xəbərinə görə, hakim Azər Paşayevin sədrliyi ilə keçirilən prosesdə təqsirləndirilən Ə.Vəliyevin vəkili çıxış edib.
Daha sonra dövlət ittihamçısına söz verilib.
Prokuror çıxışında V.Səfərlinin 11 il, B.İsmayılovun 7 il, Ə.Vəliyevin 7 il, N.Məmmədovun 7 il, B.Fətullayevin 2 il, T.Xəlilovun 2 il, T.Tahirovun 7 il, V.Orucovun 2 il, T.Yaqubovanın 6 il (şərti cəza), Ş.İbrahimovun 2 il və N.Hacıyevin isə 7 il müddətinə azadlıqdan məhrum edilməsini istəyib.
Eyni zamanda, dövlət ittihamçısı V.Səfərlinin üzərinə həbs qoyulmuş əmlaklarının ziyanın ödənilməsinə yönəldilməsini xahiş edib.
Müdafiəçilər çıxış üçün məhkəmədən vaxt istəyiblər.
Növbəti məhkəmə prosesi dekrabrın 14-nə təyin edilib.
Qeyd edək ki, cinayət işi üzrə V.Səfərli barəsində məhkəmənin qərarı ilə həbs, digər şəxslər barəsində isə polisin nəzarəti altına vermə qətimkan tədbiri seçilib.
İbtidai istintaq zamanı cinayətin törədilməsi nəticəsində vurulmuş maddi ziyanın bir hissəsinin ödənilməsi təmin edilmiş, habelə təqsirləndirilən şəxslərə məxsus olan daşınar və daşınmaz əmlak və bank əmanətlərinin üzərinə həbs qoyulub.
Cinayət işi üzrə Medianın İnkişafı Agentliyi (MEDIA) zərərçəkmiş qismində tanınıb."report"
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar