.png)
Xəbər lenti
Deputat: "Azərbaycanlılarla ermənilərin birgə yaşaması mümkündür, zamanla yeni qohumluqlar yarana bilər"
"Tarix boyu müxtəlif xalqlar arasında müharibələr baş versə də, zaman keçdikcə onlar sülh bağlayıb və bir yerdə yaşamağa başlayıblar. Bu baxımdan yanaşsaq, Qarabağda azərbaycanlılarla ermənilərin də birgəyaşayışının mümkün olduğunu deyə bilərik. Belə olan halda, zaman-zaman yeni qohumluqlar yarana bilər. Ümumiyyətlə, diqqət etsək, Moskvada, Rusiyanın digər şəhərləri və başqa xarici ölkələrdə azərbaycanlılarla ermənilərin qardaş kimi yaşadıqlarını müşahidə edə bilərik. Burada münaqişə yaradan, ortalığı qarışdıranlar isə şovinistlərdir".
Manevr.az xəbər verir ki, bunu pravda.az-a açıqlamasında Milli Məclisin deputatı Tahir Rzayev deyib.
Deputat bildirib ki, Azərbaycan tarixində də belə tendensiyalar yaşanıb: "Cəfər Cabbarlının "1905-ci ildə" əsərini, yəqin ki, oxumusunuz. Elə həmin vaxtlar ermənilər azərbaycanlıların başına min cür oyun gətirib, Bakıda, Şamaxıda, Qubada, Gəncədə soyqırımlar törədiblər. Lakin bu iki xalq daha sonra Sovetlər dönəmində uzun müddət yenə birgə yaşayaraq tarixin tələbinə cavab veriblər. Bunun üçün ağıllı və uzaqgörən olmaq, başqasına yuxarıdan aşağı baxmamaq lazımdır. Təəssüf ki, ermənilərin qanında olan şovinistlik tarix boyu onlara porblem yaradıb. Ermənilər ən qədim tarixə və ən qədim dinə malik xalq olduqlarını hesab edirlər, elə bilirlər ki, ali irqdirlər. Onlar uzun illər boyu başlarına yeridilən həmin ideologiyadan uzaqlaşa bilmirlər. Prezident İlham Əliyev dəfələrlə qeyd edib ki, ermənilər Azərbaycan vətəndaşlığını qəbul etməklə Qarabağda azərbaycanlılarla bərabər yaşaya bilərlər. Yəni, ermənilər bizim qanunları qəbul etsələr, birgəyaşayış mümkündür. Mən inanıram ki, sadə xalq nümayəndələri düşmən kimi yaşamağı və müharibəni istəmirlər. Vaxtilə Qarabağı münaqişə ocağına çevirənlərin, Sərkisyan kimilərin keçmişi ləkəlidir, onlar cinayətkar və dələduzdurlar. Həmin şəxslər ermənilərin qanı üzərindən hakimiyyətə gəldikləri üçün indi erməni xalqı tərəfindən qəbul edilmirlər. Erməni xalqını və dövlətini güdaza verən belə qruplaşmaların fəaliyyəti, əlbəttə ki, nəticəsiz qaldı. Ötən 30 il ərzində torpaqlarımızı işğalda saxlayıb, sərvətimizi taladılar, lakin tarixi ədalətin bərpa edildiyi gün gəldi, Azərbaycan Vətən müharibəsində qələbə qazandı və Ermənistanı çökdürdü. Bütün bunların fonunda xalqlar barışığa gələrək birgəyaşayışa razı olmalıdırlar. Hesab edirəm ki, bu, tarixin tələbidir".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar