Tahir Kərimli parlamentdə ağladı

Milli Məclisin "Müstəqillik günü haqqında" qanun layihəsi zamanı çıxış edən deputat Tahir Kərimli Azərbaycanın müstəqilliyini əldə edilməsinin heç də asan olmadığını və məşəqqətli olduğunu dilə gətirdi. 
"Biz bu günlərdə Şuşaya gedərkən o yolu Zəfər yolu hesab edirdilər. Amma mən o yolu təkcə Zəfər yolu kimi yox, şəhidlərin, qazilərin qanı ilə qazanılan yol olduğunu fikirləşirdim. Odur ki müstəqilliyimizdən vaz keçməməliyik. O zaman böyük Heydər Əliyev də müstəqilliyimizin geridönməz proses olduğunu bəyan edib və biz bu müstəqilliyin qədrini bilməliyik. Odur ki mən də qanun layihəsinə səs verəcəyəm", - deputat qeyd edib.
Tahir Kərimli müstəqilliyin heç də asan başa gəlmədiyini və məşəqqətli olduğunu deyib, ötən dövrdə baş verənləri xatırlayaraq göz yaşlarına hakim ola bilməyib.ölkə.az