Xəbər lenti
Təhsil müəssisələrində narkotik vasitə istifadəsinə dair AÇIQLAMA
Respublika ərazisində orta və ali təhsil müəssisələrində narkotik vasitələrin istifadəsi ilə bağlı heç bir məlumat yoxdur.
Bu barədə DİN-in mətbuat xidmətinin kütləvi informasiya vasitələri və ictimaiyyətlə əlaqələr şöbəsinin rəisi, polis mayoru Elşad Hacıyev məlumat verib.
Onun sözlərinə görə, Azərbaycanda narkotik vasitələrin orta və ali təhsil müəssisələrində istifadəsi ilə bağlı heç bir məlumat qeydə alınmayıb:
“Bu kimi məsələlərlə bağlı mütəmadi olaraq Azərbaycan Respublikası Daxili İşlər Nazirliyinin Baş Narkotiklərlə Mübarizə İdarəsi və ərazi üzrə polis orqanları, eləcə də məktəblilər, azyaşlılarla işləyən profilaktik şöbələr, bölmələr məşğul olur. Harada şübhə var, orada müvafiq yoxlamalar aparılır.
Azərbaycan bu sahədə təkcə MDB ölkələri arasında deyil, digər Avropa ölkələrindən də xeyli irəlidədir. Çünki respublikamızın orta və ali təhsil müəssisələrində narkotik vasitələrlə bağlı və ya hansısa şagirdin, tələbənin narkotik vasitə istifadəçisi olması ilə bağlı məlumat yoxdur. Bütün hallarda belə bir şübhə olduğu təqdirdə bu barədə dərhal polis, Daxili İşlər Orqanlarına məlumat verilməsi vacibdir”.
O bildirib ki, bu istiqamətdə dövlət proqramı da mövcuddur:
“Vəziyyətin nəzarətdə saxlanılması, narkotik vasitələrdən istifadənin, aludəçiliyin yaranmaması üçün bütün tədbirlər həyata keçirilir. Bu istiqamətdə bütün hallar dərindən araşdırılır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar