Xəbər lenti
1969-cu ildə yazılmış məktub tapıldı: 11 yaşlı qızın reallaşan öncəgörümləri hamını ŞOKA SALDI
Böyük Britaniyanın Piterboro şəhərində yaşayan mebel bərpaçısı Piter Bekerton köhnə divanın içindən 1969-cu ildə yazılmış bir məktub tapıb. Məktubda artıq gerçəkləşən öncəgörmələr yer alıb.
Manevr.az sfera.az-a istinadən bildirir ki, usta bərpa edilmək üçün ona göndərilən köhnə divanın içindən 1969-cu ilin 23 fevralında 11 yaşlı qızın yazdığı bir məktub tapır. Sözügedən məktubda məktəbli qızcığaz gələcək həyatı, gələcəkdə dünyanın necə olacağı ilə bağlı fantaziyalarını təsvir edir. Bu ona verilən ev tapşırığı olub.
Qızcığaz yazırdı ki, illər sonra telefonlar ekranlı olacaq və həmsöhbətlər bir-birini görə biləcək. "Bu bir az televizora bənzəyir",- deyə məktub müəllifi qeyd edir. Onun proqnozlarına görə, televizorlar da dəyişəcək: onlar kiçik ölçülü qutulardan böyük ekranlara çevriləcək və həmin ekranları divanda oturaraq düymələr vasitəsilə idarə etmək mümkün olacaq. Qızcığaz həmçinin yazırdı ki, evlərə düymə ilə idarə edilən elektrik qapılar qoyulacaq.
Amma məktubda gerçəkləşməyən proqnozlar də var. Misalçün, qızcığaz ümid edirdi ki, gələcəkdə vərdiş etdiyimiz qida olmayacaq, xüsusi saqqız çeynəyib doyacağıq, bu üzdən çirkli qab-qaşıq yumağa ehtiyac qalmayacaq.
Bekertonun xanımı Roza sözügedən məktubun müəllifini tapmaq ümidilə onu sosial şəbəkədə paylaşmaq qərarına gəlib. Qadın qeyd edib ki, həyat yoldaşı köhnə mebellərdə tez-tez nələrsə tapır, amma bu dəfəki tapıntı qədər maraqlısı olmayıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
.jpg)
Yazarlar
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Sorğu
Portalımızı dəyərləndirin.
Çox oxunanlar