_99.jpg)
Xəbər lenti
Oqtay Şirəliyev və Ramin Bayramlı canlı yayımda peyvənd olunacaq?
Dünya yeni növ koronavirusa qarşı peyvəndləmə prosesinin başlamasını və kütləviləşməsini səbirsizliklə gözləyir.
Artıq bir sıra ölkələrdə prosesə start verilib.
Manevr.az cebhe.info-ya istinadən xəbər verir ki, Türkiyədə COVID-19 infeksiyasına qarşı Çindən alınan “Sinovac” vaksini ilə kütləvi peyvəndlənmə aparılacaq. “Sinovac” vaksininin ilk dozası Səhiyyə naziri Fəxrəddin Qocaya vurulub. Nazirin ardınca Türkiyə Səhiyyə üzrə Elmi Komitəsinin üzvləri peyvənd olunublar. Proses media qurumları tərəfindən canlı nümayiş edilib. Bu, həm də etibarlılıq, insanlarda peyvəndə qarşı inam yaratmaq üçün əla vasitədir və başqa ölkələrdə də tətbiq olunur.
Maraqlıdır, Azərbaycanda necə, Səhiyyə naziri Oqtay Şirəliyev və ya Tibbi Ərazi Bölmələrini İdarəetmə Birliyinin (TƏBİB) İdarəetmə Heyətinin sədri Ramin Bayramlı ictimaiyyətin gözü qarşısında, mediaya açıq şəkildə peyvənd olunacaqlarmı?
Nəzərə alaq ki, insanlarımızın əksəriyyətinin peyvəndlənmə prosesinə münasibəti birmənalı deyil. Bu da təbiidir.
Mütəxəssislər də bildirir ki, 1 il ərzində hazırlanan peyvənd gələcək illərdə insan orqanizminə mənfi təsirlər edə bilər. Bu səbəbdən hər zaman xalqa diqqətli olmağı məsləhət bilən tibb nümayəndələrinin peyvəndləmə prosesinə yanaşması maraq doğurur.
Məsələ ilə bağlı açıqlamasında TƏBİB-in ictimaiyyətlə əlaqələr və PR-marketinq şöbəsinin məsləhətçisi Elnarə Baxış bildirib ki, R.Bayramlının ictimaiyyətin gözü qarşısında peyvənd olunub-olunmayacağı ilə bağlı hələlik dəqiq bir şey deyə bilməz.
Oqtay Şiriyevə gəldikdə, Səhiyyə Nazirliyindən isə hər zaman olduğu kimi, yenə də zənglərimiz cavabsız qalıb.
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar