Sizin Reklam Burada
Xəbər lenti
26 yanvar
25 yanvar
BÜTÜN XƏBƏRLƏR

İsa Həbibbəyli və İbrahim Quliyev "vurulub"? - AMEA-dan AÇIQLAMA

Tarix: 13-01-2021 11:20     Baxış: 449 A- / A+
İsa Həbibbəyli və İbrahim Quliyev "vurulub"? - AMEA-dan AÇIQLAMA

Azərbaycan Milli Elmlər Akademiyası aparılan islahatlar, o cümlədən iki birinci vitse-prezident postlarından birinin ixtisar edilməsi ilə bağlı mətbuatda yayılan məlumatlara münasibət bildirib.

Manevr.az-ın xəbərinə görə, AMEA-nın bəyanatında bildirilir ki, bəzi KİV-lərdə AMEA-nın iki birinci vitse-prezidenti postlarından birinin ixtisar edilməsi guya akademik İsa Həbibbəylinin və akademik İbrahim Quliyevin vəzifədən uzaqlaşdırlması, “vurulması” kimi şərh olunub. Lakin atılan addım ancaq və ancaq idarəetmənin təkmilləşdirilməsinə və sadələşdirilməsinə xidmət edir:

"AMEA-da iki birinci vitse-prezidentin olması müəyyən çaşqınlıq yaratdığından və koordinasiya prosesində çətinliyə səbəb olduğundan belə bir qərarın qəbuluna zərurət yaranmışdır. Bir daha ictimaiyyətin diqqətinə çatdırırıq ki, həm İsa Həbibbəyli, həm də İbrahim Quliyev AMEA-nın vitse-prezidentləri və Rəyasət Heyətinin üzvləri qismində öz fəaliyyətlərini davam etdirməkdədirlər. Xatırladaq ki, AMEA-da əvvəllər də yalnız bir birinci vitse-prezident postu olub və bu ənənənin bərpası optimallaşma baxımından daha məqsədəuyğundur".

Bəyanatda qeyd edilir ki, Fizika İnstitutunun direktoru, akademik Nazim Məmmədov və onun müavini akademik Cavad Abdinov işində yol verdikləri nöqsanlara görə işdən azad ediliblər. Lakin aparılmış yoxlama, bəzi şəxslərin şərh etdikləri kimi, qətiyyən akademiklər Nazim Məmmədov və Cavad Abdinovun alim kimi bilik və bacarıqlarının təftişi, qiymətləndirilməsi məqsədinə xidmət etməyib. Hər iki alimin öz sahələrinin peşəkarı olduqları, elm ictimaiyyəti tərəfindən ciddi mütəxəssislər kimi qəbul edildikləri danılmaz həqiqətdir:

"Akademik Nazim Məmmədovun uzun illər Yaponiyada fizika professoru qismində elmi tədqiqat işlərilə məşğul olması, onun məqalələrinin yüksək indeksli, nüfuzlu xarici jurnallarda vaxtaşırı nəşr edilməsi, həmçinin Fizika İnstitutunda son illərdə yetişən bacarıqlı gənc tədqiqatçılar deyilənləri təsdiq edir. Biz öz həmkarlarımızın elmi fəaliyyətini yüksək qiymətləndirir, onların bundan sonra da öz bilik və təcrübələrini Azərbaycan elminin inkişafı naminə sərf edəcəyinə inanırıq. Bir daha ictimaiyyətin diqqətinə çatdırırıq ki, Fizika İnstitutunda ötən ilin 17-25 dekabr tarixlərində aparılan yoxlamalar zamanı aşkara çıxarılmış qüsurlar sırf idarəçilik və maliyyə-təsərrüfat fəaliyyəti ilə bağlıdır. Bu zaman institutun elmi fəaliyyətinin qiymətləndirilməsi yoxlamanın predmeti olmayıb. AMEA-da mütəmadi daxili yoxlamalar yalnız əmək nizam-intizamının tənzimlənməsinə, maliyyə-təsərrüfat və kadr fəaliyyətində yol verilmiş xətaların zamanında aşkarlanıb aradan qaldırılmasına xidmət edir. Yoxlamanı aparan qurumlar istintaq orqanı, Rəyasət Heyəti isə məhkəmə hakimiyyətinin təmsilçisi olmadığından işdən azad edilmiş həmkarlarımızın az qala cinayətkar kimi təqdim olunması yolverilməzdir".

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının ilk hərfini yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Yanvar 2021    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar