_99.jpg)
Xəbər lenti
"Azərsu"dan deputata kəskin cavab
Azərsu ASC-nin mətbuat katibi Anar Cəbrayıllı millət vəkili Rəşad Mahmudovun Milli Məclisdə ASC-yə qarşı səsləndirdiyi tənqidlərə və suallara cavab verib.
Manevr.az axar.az-a istinadən xəbər verir ki, qurum rəsmisi sosial şəbəkə hesabında Rəşad Mahmudovun Astaranın su-kanalizasiya layihəsinin gedişi barədə maraqlanmadığı üçün bundan məlumatsız olduğunu bildirib:
“Azərsu ASC-nin rəhbərliyi büdcə müzakirələrində iştirak etmədiyindən özümə borc bildim ki, ictimaiyyətlə əlaqələrə məsul şəxs olaraq onun suallarını cavablandırım.
Hörmətli Rəşad müəllim, Astara şəhərində layihə üzrə tender 2014-cü ildə keçirilib və işlərə 2015-ci ildə başlanılıb. Azərbaycan hökumətinin İslam İnkişaf Bankı ilə birgə maliyyələşdirdiyi layihədə yalnız içməli su infrastrukturunun yenidən qurulması nəzərdə tutulmuşdu. 15 oktyabr 2018-ci ildə Prezident İlham Əliyevin iştirakı ilə Astara şəhərinin içməli su təchizatı layihəsinin başa çatması münasibətilə açılış mərasimi keçirilib. Astara şəhərini içməli su ilə təmin etmək üçün Xanbulançay təmizləyici qurğusundan 29 km magistral su xətti çəkilib, şəhərdə 109 km paylayıcı şəbəkə inşa edilib.
2 çağırış Astaradan millət vəkili seçilən Rəşad müəllim yəqin ki, bunları bilməmiş deyil. Bilmirsə, deməli, layihənin gedişi ilə heç vaxt maraqlanmayıb".
A.Cəbrayıllı millət vəkilinin Şuşada su və kanalizasiya sisteminin bu il quraşdırılmağa başlayacağı təqdirdə işlərin nə vaxta bitməsi ilə bağlı sualını da cavablayıb:
"Şuşa ilə bağlı suala gəldikdə isə millət vəkilinin diqqətinə çatdırmaq istəyirəm ki, Müzəffər Ali Baş Komandanın rəhbərliyi ilə şanlı Azərbaycan ordusu tərəfindən işğaldan azad edildikdən sonra Şuşaya gedən ilk mülki şəxslər məhz Azərsu ASC-nin əməkdaşları olub. Onlar qısa müddətdə düşmən tərəfindən dağıdılmış magistral su kəmərlərini bərpa edərək Şuşa şəhərinin dayanıqlı içməli su təchizatını bərpa ediblər və o vaxtdan Şuşada xidmətimiz təşkil olunub".
Qeyd edək ki, bu gün Milli Məclisin plenar iclasında gələn ilin büdcə zərfinin müzakirəsi zamanı Rəşad Mahmudov Azərsu ASC-ni sərt tənqid edib. O, 2008-ci ildə ASC-nin Astarada su və kanalizasiya layihəsi ilə bağlı tenderin qalibi elan olunduğunu, lakin su problemi həll olunsa da, hələ də kanalizasiya məsələsinin həllini tapmadığını bildirib. Millət vəkili "Azərsu"ya bu il Şuşada iş başlasa, onun neçə ilə bitəcəyi ilə bağlı suallar da ünvanlayıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar