Sizin Reklam Burada
Xəbər lenti
28-03-2024
BÜTÜN XƏBƏRLƏR

Xocalı aeroportuna nəzarət: Azərbaycan hansı addımı atacaq? (ŞƏRH)

Tarix: 26-11-2020 15:32     Baxış: 4146 A- / A+
Xocalı aeroportuna nəzarət: Azərbaycan hansı addımı atacaq? (ŞƏRH)


"Xocalı aeroportunun beynəlxalq reystrə salınması və burada uçuşların təşkil edilməsi yalnız Azərbaycanın nəzarətində olmalıdır”.

Bunu Cənubi Qafqaz Araşdırma Mərkəzinin sədri Məhəmməd Əsədullazadə deyib. Onun sözlərinə görə, Xocalı aeroportuna bu müddət ərzində Azərbaycanın razılığı olmadan hər hansı bir beynəlxalq uçuş həyata keçirilməyib:

"Hətta Ermənistan bəzi istisnalar olmasına baxmayaraq, bu uçuşlara risk etməyib. Hazırda Xocalı aeroportu Azərbaycan hərbiçilərinin nəzarətində deyil. Rusiya köhnə "DQMV sərhədləri" çərçivəsində status-kvonun davam etdirilməsində maraqlıdır. Məhz Xocalı da ermənilərin nəzarətində olacaq. Təbii ki, bu ərazilər Azərbaycanın ayrılmaz hissəsidir. Və burada suverenliyimiz bərpa olunacaq. Bu, danışıqlar mərhələsində həll ediləcək. Hazırkı situasiyada Xocalı aeroportuna uçuşların icazə verilməsi yolverilməzdir. Bu, yalnız Xocalı aeroportuna Azərbaycanın tam nəzarətini təmin etdikdən sonra reallaşa bilər”.

Xocalı aeroportuna nəzarət: Azərbaycan hansı addımı atacaq? (ŞƏRH)


Məhəmməd Əsədullayev qeyd edib ki, Ermənistanın Xocalı aeroportuna uçuşlarına icazə verməmək, ermənilərin nəzarətində olan bu aeroporta beynəlxalq uçuşları qadağanı qüvvədə saxlamaq lazımdır:

"Əgər nəzarətimizdə olmayan Xocalı aeroportunda uçuşlar olacaqsa, "Arstaxın tanınması" istiqamətində ermənilər fəaliyyətlərini genişləndirəcək, buradan Qərb ölkələrinə aviareyslər təşkil ediləcək. Bu, birbaşa Azərbaycanın suverenliyinə, təhlükəsizliyinə zərbə ola bilər. Əgər uçuşa icazə verilsə, Ermənistan baş naziri Nikol Paşinyanın təyyarə ilə nümayişkəranə şəkildə buraya səfər etməsinə heç kim zəmanət verməz. Moskva da Xocalı aeroportunun fəaliyyətində maraqlıdır. Aeroportun işə düşməsini Kreml israr edir. Guya buradakı "sülhməramlı qüvvələrini" təchizatla təmin etsin”.

Sədr hesab edir ki, bunun arxasında əsas məqsəd Qarabağa uçuşları bərpa etməkdir:

"Məqsəd Xankəndi-Moskva reysi açılaraq bundan hərbi məqsədləri üçün istifadə etmək, həmçinin Qarabağda ermənilərin Rusiya ilə əlaqələrini birbaşa qurmaqdır. Ona görə də belə bir uçuşlara icazə vermək olmaz. Yalnız aeroport Azərbaycanın nəzarətində olacaqsa, burada uçuşlara icazə və təhlükəsizliyinə zəmanət vermək olar”./qaynarinfo

Manevr.az

Xəbəri paylaş







Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar