.png)
Xəbər lenti
Bakı metrosu həftənin bu günləri işləyə bilər - Başqa çıxış yolu yoxdur...
Bildiyimiz kimi, koronavirusa yoluxma üzrə statistika artmağa davam edir. Bu səbəbdən bir sıra rayon və kəndlər nəzarətə götürülüb.
Bəs, yenidən sərt qaydaların tətbiq edilməsi gözlənilirmi?
Manevr.az xəbər verir ki, məsələ ilə bağlı redaktor.az-a danışan millət vəkili Razi Nurullayev karantinin sərtləşməsinə hələlik ehtiyac olmadığını bildirib:
"Biz sərt karantin tətbiq etməzdən əvvəl virusla yaşamağı öyrənməliyik. Hər kəs özünü qorumalı, maska taxmalı, gidiyena qaydalarına əməl etməlidir. Bunları edərək yoluxmanın artmasının qarşısını ala bilərik. Dövlət də qaydaları sərtləşdirmək yerinə, maska taxılmasına, vətəndaşların qoyulan tələblərə əməl etməsinə nəzarəti artırmalıdır. Qaydalara əməl etməyən şəxsləri də qanuna müvafiq qaydada cəzalandırmaq lazımdır. Çünki qadağaları artırmaq iqtisadiyyatımız üçün zərərlidir. Bu baxımdan, yenidən sərt qadağaların tətbiqinə ehtiyac görmürəm. Sadəcə qaydalara nəzarət və marifləndirmə işləri artırılsa, düşünürəm ki, bu, yetərli olacaq".
Millət vəkili ictimai nəqliyyatda sıxlığın azaldılması üçün metronun açılmasını təklif edib:
"Hökumət düşünür ki, metro açılsa orada daha çox sıxlıq olacaq və yoluxma artacaq. Əslində bu düşüncədə haqlıdırlar. Çünki eyni vaxtda metroda daha çox insan olur, nəinki avtobusda. Amma vətəndaşlar da avtobuslarda çox əziyyət çəkir. Buna görə də metronun açılmasından başqa çıxış yolu yoxdur. Düşünürəm ki, ancaq metronun açılması bu məsələni yüngülləşdirə bilər. Bu baxımdan, həftəiçi, və ya həftənin bir neçə günü metronun fəaliyyətini bərpa etmək olar. Ən azından yoxlamaq olar ki, metro açıldıqdan sonra yoluxma azalacaq, ya yox. Vəziyyət həqiqətən çox ağırdır, yoluxma sürətlə artır, mütləq hansısa tədbirlər görmək lazımdır".
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar