.png)
Xəbər lenti
Avropadakı türklərdən azərbaycanlı uşaqlara zəfər bayramı hədiyyəsi
Azərbaycanın öz torpaqlarını işğaldan azad etməsi, Qarabağın erməni quldur birləşmələrindən təmizlənməsi dünyada yaşayan azərbaycanlıların, eləcə də bütün Türk dünyası sevdalılarının ürəyincə olub. Ölkəmizin apardığı Vətən müharibəsinə hər kəs səfərbər olub öz dəstəyini göstərməyə çalışdı.
Manevr.az-a verilən məlumata görə, sentyabrın 27-dən başlayan və Azərbaycanın tam qələbəsi ilə nəticələnən bu müharibə döyüş bölgəsi ilə yanaşı, beynəlxalq aləmdə də gedirdi; bütün diaspor nümayəndələrimiz, türk xalqlarının nümayəndələri yaşadıqları öz ölkələrində Azərbaycanın haqq işinə dəstək verir, bizimlə birgə olduqlarını hər cür vasitə ilə bildirirdilər.
Yalnız bu günlərdə deyil, uzun illər Azərbaycanın haqlı davasında onun yanında yer alan, Avropada Azərbaycan həqiqətlərinin tanınmasında müstəsina xidmətləri olan Azərbaycan-Belçika Dostluq Cəmiyyətinin sədri Ayhan Dəmirçi və Belçika Gent Türk Ocaqlarının keçmiş dönəm başkanı Rəcəb Tuncər Sarı da bu günlərdə öz fəaliyyətləri ilə yenidən hər kəsə örnək oldular. Onlar yaşadıqları ölkə mediasında Azərbaycanın haqlı davasını anlatmaqla yanaşı, həm də qələbəmiz üçün əllərindən gələn dəstəyi göstərmiş oldular.
Onların təşəbbüsü ilə Azərbaycanın Qarabağda əldə etmiş olduğu zəfər günündə Qarabağ müharibəsindən zərər çəkmiş ailələrin övladları üçün 223 ədəd hədiyyə qışlıq geyəcəklər zəfər günü münasibətilə uşaqlara hədiyyə olaraq paylanılıb. Əsasən Pirşağı qəsəbəsi ərazisində məskunlaşmış Xocalı 2 saylı tam orta məktəbin şagirdləri, uşaq sığınacaq evinin və digər aztəminatlı ailələrin uşaqları üçün nəzərdə tutulan qışlıq geyimləri Azərbaycanlıların və digər Türkdilli Xalqların Əməkdaşlıq Mərkəzinin icra katibi İlqar İlkin tərfindən uşaqlara təqdim olunub.
Xatırladaq ki, Belçikada fəaliyyət göstərən Azərbaycan və Türk diaspora təşkilatları Azərbaycan həqiqətlərinin təbliğində hər zaman fəal rol oynamaqla yanaşı, vaxtaşırı bu cür sosial aksiyalar da keçiriblər. İki ay öncə də Ayhan Dəmirçi və Rəcəb Tuncər Sarının təşəbbüsü ilə Xocalı məktəbinin şagirdlərinə ayaqqabılar hədiyyə olunmuşdu. Həmçinin Qurban bayramı ərəfəsində təşkil olunan aksiyada burada məskunlaşan Xocalıdan olan məcburi köçkünlərin də əhatə olunduğu 600-dən artıq ailəyə qurban payları paylanılmışdı.
Mehman
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar