_99.jpg)
Xəbər lenti
Ordumuzun əməliyyatlarına belə zərər veririk... – Hərbi ekspert
"Həqiqətə uyğun olmayan məlumatların sosial şəbəkələrdə yayılması sonradan insanlarda gərginlik yaradır”.
Bunu Qaynarinfo-ya açıqlamasında hərbi ekspertRamil Məmmədli sosial şəbəkədə əməliyyatların aparıldığı istiqamət və cari vəziyyətlə bağlı müxtəlif şəxsi fikirlərin paylaşılması və hadisələrin qabaqlanmasından danışarkən deyib. Onun sözlərinə görə, ümumiyyətlə, hərbi əməliyyatlar və döyüşlərlə bağlı vətəndaşlarımız tərəfindən əvvəlcədən məlumatların, fikirlərin sosial şəbəkələrdə yayılması ordunun əməliyyat aparmasında müəyyən neqativ hallar yaradır:
"Məsələn, yazırlar ki, "filan rayonu almışıq, filan yüksəkliklər, kəndlər bizdədir” və s.. Bu yolverilməzdir. Bunun səbəbləri var. Birinci səbəb odur ki, əgər ordu hər hansı bir istiqamətdə əməliyyat aparacaqsa, artıq yayılan informasiyalardan Ermənistan, düşmən istifadə edir, informasiya toplayır və həmin istiqamətdə müəyyən tədbirlər görür. Yaxud da informasiya həqiqətə uyğun deyilsə, artıq cəmiyyətdə bir gərginlik yaranır. Bəs deyirdilər ki, filan rayon alınıb, işğaldan azad olunub, niyə yalan məlumatlar yayırlar və s... Gərək həmin vətəndaşlar nəzərə alısın ki, 1991-92-ci illərdə işğal olunan ərazilər çətin keçilən yerlərdir. Bu ərazilərdə ordunun keçirdiyi əməliyyatlar mərhələli şəkildədir”.
Ramil Məmmədli hesab edir ki, proseslər Azərbaycan Ordusunun uğurlu əməliyyatları ilə davam edir:
"Vətəndaşlar sosial şəbəkələrdə belə statuslar yazmamışdan əvvəl düşünsünlər ki, onların informasiyaları ümumi işə mane olur. Bu baxımdan ən yaxşısı rəsmi məlumatları gözləməkdir”.
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar