.png)
Xəbər lenti
Baş direktor narazı sakinlərlə görüşdü
Bildirmək istərdik ki, bir neçə gün öncə Göyçay rayonun Şıxlar kəndinə qaz çəkilməməsinə görə sakinlər narahatlıqlarını ifadə etmək üçün müxtəlif internet resurslarında çıxışlar etmişdilər.
Baş verənlərin yerində araşdırılması üçün “Azəriqaz” İstehsalat Birliyinin baş direktoru Ruslan Əliyev həmin kənddə olub, vətəndaşları maraqlandıran sualları cavablandırıb. Məlumat verilib ki, Göyçay rayonunun Şıxlar kəndində yerləşən 84 fərdi yaşayış evinin qazlaşdırılması məsələləri ciddi araşdırılıb və bu işin icrasına dərhal qərar verilib. “Azəriqaz” İB-nin rəhbərliyinin kəndə gəlişindən cəmi bir neçə saat öncə artıq qaz boruları əraziyə gətirilib, yaxın günlərdə qaz çəkilişinə start veriləcək. Görüşdə baş direktor R.Əliyev sakinlərə qazlaşma işləri icra edildikdən sonra da nə problemləri olarsa, dərhal müraciət etmələrini xahiş edib. O, söz verib ki, Şıxlar kəndindəki qaz açılışında şəxsən özü iştirak edəcək.
Məlumat üçün bildirək ki, 29 may 2015-ci ildə təsdiq olunan müvafiq qanunda 17 rayonda bəzi kəndlərin adları dəyişdirilib. O cümlədən, Göyçay rayonunun Çərəkə kənd inzibati ərazi dairəsi tərkibindəki Cəyirli kəndi də Şıxlar kəndi adlandırılıb. Çərəkə kəndində qazlaşma işləri 2018-ci ildə həyata keçirilib. İnzibati ərazi vahidi barədə kifayət qədər məlumatlı olmayan yerli sakinlər “Çərəkə niyə tam qazlaşdırılmayıb?” deyərək Şıxlar kəndinin də həmin vaxt qazlaşdırılmasını istəyiblər. Lakin dövlət proqramlarında konkret olaraq inzibati vahidlərin adları göstərilir. Çərəkə kəndində qazlaşma 2018-ci ildə aparılarkən, artıq 3 il idi ki, Şıxlar kəndi mövcud idi.
Mövzuya aid video materialı buradan yükləyə bilərsiniz: https://we.tl/t-30XKjioNY9
Və yaxud “Youtube” kanalından izləyə bilərsiniz: https://www.youtube.com/watch?v=z4cxuchtwx8
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar