.png)
Xəbər lenti
“Dağlıq Qarabağ abidələri – erməni terroru” internet məkanında layihəsinə yekun vuruldu - SUMQAYITDA/ŞƏKİLLƏR
Azərbaycan Respublikasının Gənclər Fondunun maliyyə, Sumqayıt şəhər Gənclər və İdman Baş İdarəsinin təşkilati dəstəyi ilə “Dağlıq Qarabağ abidələri – erməni terroru” internet məkanında layihəsinin III və son mərhələsi Sumqayıt Gənclər Evində icra olunmuşdur. Qeyd edək ki, layihənin ilk 2 mərhələsi Xızı və Siyəzən rayonunda keçirilib.
Manevr.az xəbər verir ki, tədbirdə layihə rəhbəri Əli Miriyev çıxış edərək layihənin Gənclər Fondunun XIII qrant müsabiqəsində qalib olduğunu, məqsədin Qarabağ ərazisində olan və münaqişə zamanı məhv olmuş maddi və mədəniyyət nümunələri, tarix və mədəniyyət abidələri haqqında məlumatları gənclər arasında təbliğ etmək və informasiya texnologiyaları vasitələrindən səmərəli istifadə edərək dünya ictimaiyyətinə çatdırmaq olduğunu vurğulamışdır. Bildirildi ki, bu istiqamətdə ən gözəl nümunə Heydər Əliyev Fondunun vitse-prezidenti Leyla xanım Əliyevanın təşəbbüsü ilə başlanan "Xocalıya ədalət" kampaniyasıdır.
Layihə kordinatoru Əliyar Rəfiyev çıxışında layihənin əhəmiyyətindən, tarix boyu ermənilərin vətənimizə qarşı işğal siyasətindən, törədilən vəhşiliklərdən danışmış, dünya ictimaiyyətinin bu hadisələrə biganə qalmaması üçün gənclərin maarifləndirməsi və təbliğat işinin sürətləndirilməsinin vacibliyini qeyd etmişdir.
Daha sonra erməni işğalı nəticəsində məhv edilmiş və saxtalaşdırılmış mədəni irsimiz haqqında elektron təqdimat edilmiş, məlumatların paylaşılması, göndərilməsi məqsədilə müvafiq həştaq və beynəlxlaq təşkilatların elektron ünvanları iştirakçılara çatdırılmış və maarifləndirici bukletlər paylanılmışdır.
Sonda iştirakçılara sertifikatlar təqdim olunmuşdur.
Xəbəri paylaş
Çox oxunanlar
Son yüklənənlər
.jpg)
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar